Thaçi: Ndarja e Kosovë, hap çështje në Ballkan

Sipas Thaçit, integriteti territorial i Kosovës është i paprekshëm dhe se kufijtë e Kosovës janë të njohur dhe të garantuar nga bashkësia ndërkombëtare.

Ai ka shtuar se me këta kufij, Kosova do të integrohet në NATO dhe Bashkimin Evropian. Thaçi tha për mediat serbe se strategjia për veriun ka për qëllim integrimin e komunitetit serb në shoqërinë kosovare, ngritjen e tolerancës ndëretnike, sundimit të ligjit dhe zhvillimit ekonomik.

Duke folur për Mitrovicën, kryeministri kosovar, u shpreh se shumë shpejt do të caktohet data për zgjedhjet për komunën e re të Mitrovicës veriore.