Thaci: Ne dhe NATO, mbrojme paprekshmerine
Integriteti territorial i Kosoves eshte i pacenueshem dhe i paprekshem. Deklarata erdhi dje nga Kryeministri i Republikes se Kosoves, Hashim Thaci, pak dite pasi te njejten gje paralajmeroi edhe ministri i Jashtem shqiptar, Lulzim Basha. "Kosova gjendet nen autoritetin e plote te NATO-s e te institucioneve te sigurise te Republikes se Kosoves", siguroi Kryeministri Thaci.
Deklaratat e Thacit u bene dje gjate vizites ne Memorialin e Recakut dhe varrezat e deshmoreve ne Ferizaj, ne Kacanik, ne Viti dhe ne Zheger te Gjilanit, ku nderoi kujtimin e deshmoreve te kombit dhe te gjithe te flijuarve per Kosoven. Ai qartesoi se autoritetet kane te drejten e perdorimit te mekanizmave mbrojtes per territorin e Kosoves. "Ne jemi ne kontakt dhe bashkepunim te perhershem, ne menyre qe asnje pellembe e tokes se Kosoves te mos preket nga askush. Kosova kurre nuk ka qene me e sigurt. Them se institucionet jane duke funksionuar me pergjegjesi te plote dhe jemi duke funksionuar si shtet", deklaroi Thaci.
Kryeministri shtoi se qeveria e Kosoves "i kupton dhe i respekton reagimet paqesore, te cilat jane te garantuara edhe me ligj", por theksoi se, "kurrsesi nuk do te lejoje qe te cenohet integriteti territorial i Kosoves", i cili, verejti ai, "eshte i njohur edhe nderkombetarisht".
Ne kuader te vizites se tij ne Recak, Thaci pohoi se eshte nje nderim shteteror per gjithe ata qe u flijuan per shtetin e pavarur, sovran dhe demokratik te Kosoves. "Recaku eshte vendi i flijimit, i sakrifices dhe i rezistences se madhe kunder ushtrise, policise dhe paraushtarakeve serbe. Recaku eshte vendi i mesazhit te Kosoves per boten demokratike, vendi qe mobilizoi popullin e Kosoves dhe vuri ne veprim gjithe diplomacine boterore ne sherbim te lirise dhe pavaresise se Kosoves, andaj respekt dhe nderim per jete te jeteve per gjithe te flijuarit dhe deshmoret e kombit", tha Kryeministri gjate vizites ne Recak te komunes se Shtimes. Me 15 janar 1999, forcat serbe masakruan 45 banore te Recakut, femije, gra e te moshuar. Zbulimi i tyre nga ambasadori i OSBE-se, Uiliam Uoker, i cili ia beri te ditur kete ngjarje gjithe botes, beri te pershpejtohet kerkimi i zgjidhjes per Kosoven nga nderkombetaret.