Thaçi: Veseli, më tepër së i mirëseardhur

Kryeministri i Kosovës Hashim Thaçi në një intervistë për gazetën “Lajm”, që vazhdon edhe sot ka thënë se e mirëpret Veselin në partinë e tij.

Vendimin eventual që ish shefi i SHIK-ut të, Kadri Veseli t’i bashkëngjitet PDK-së, për kryetarin e kësaj partie, kryeministrin Hashim Thaçi, do të ishte një vendim më tepër se i mirëpritur.

Thaçi thotë se zoti Veseli është një personalitet që ka dhënë një kontribut të jashtëzakonshëm për lirinë, çlirimin dhe ndërtimin e shtetit të Kosovës dhe ai ka besim të plotë se ai mund të vazhdojë të jpë kontribut shumë të rëndësishëm për konsolidimin dhe forcimin e shtetit të Kosovës.

Kryeministri thotë se PDK-ja mund të vazhdojë të qeverisë vendin shumë mirë edhe pas zgjedhjeve të ardhshme, por ndoshta me një kryeministër tjetër.