"The Economist": Çështja Bllaca nuk i ndihmon Kosovës në GJND
Revista prestigjioze "The Economist", në një tekst të saj për Kosovën të titulluar "Ndarja legale" vlerëson se rasti Bllaca, edhe pse nuk ka lidhje me GJND-në, nuk do ta ndihmojë Kosovën në këtë gjyq. Në këtë tekst, "The Economist" duke shkruar për GJND-në thotë se çështja e gjyqit nuk është çështja kryesore as në Kosovë as në Serbi. Aty përshkruhet se si në Serbi gjatë kohës kur procesi i gjyqit është në vazhdim, serbët janë duke festuar për heqjen e vizave. "Serbia është duke festuar një vendim të konfirmuar të hënën, që ka anuluar nevojën për vizë për shtete të Shengenit për serbët, maqedonasit dhe malazezët", thuhet në revistë.
Duke përshkruar atmosferën në Kosovë, revista thotë: "Kosovarët nuk kanë çfarë të festojnë. Lajmet e tyre janë të mbushura me tregimin rreth arrestimit nga ndërkombëtarët të një njeriu që pohon se ka marrë pjesë në 17 vrasje, tentim vrasje, rrahje në emër të një agjencie të dyshimtë të inteligjencës, të lidhur me Kryeministrin Hashim Thaçi. Duket se viktimat kanë qenë anëtarë të një partie tjetër, që tashti është në koalicion me partinë e Thaçit. PDK-ja i mohon akuzat, duke thënë se ato janë të motivuara politikisht. Z. Thaçi thotë se kushdo që është përgjegjës duhet të sillet para drejtësisë. Edhe pse kjo nuk ka të bëjë asgjë me rastin para GJND-së, akuzat e tilla, të vërteta apo të rrejshme, nuk e ndihmojnë çështjen e Kosovës", thuhet në revistë.
Duke përshkruar atmosferën në Kosovë, revista thotë: "Kosovarët nuk kanë çfarë të festojnë. Lajmet e tyre janë të mbushura me tregimin rreth arrestimit nga ndërkombëtarët të një njeriu që pohon se ka marrë pjesë në 17 vrasje, tentim vrasje, rrahje në emër të një agjencie të dyshimtë të inteligjencës, të lidhur me Kryeministrin Hashim Thaçi. Duket se viktimat kanë qenë anëtarë të një partie tjetër, që tashti është në koalicion me partinë e Thaçit. PDK-ja i mohon akuzat, duke thënë se ato janë të motivuara politikisht. Z. Thaçi thotë se kushdo që është përgjegjës duhet të sillet para drejtësisë. Edhe pse kjo nuk ka të bëjë asgjë me rastin para GJND-së, akuzat e tilla, të vërteta apo të rrejshme, nuk e ndihmojnë çështjen e Kosovës", thuhet në revistë.