Tierri Henri: Spanja, favorite në botëror

Të mërkurën, Spanja i dha një leksion të pastër futbolli përfaqësueses franceze. Pas ndeshjes që “gjelat” humbën 2-0, Tierri Henri shprehu besimin se “Furia e Kuqe” duket si një skuadër e ardhur nga një tjetër planet. Në një deklaratë për “Marca”-n, sulmuesi deklaroi: “Kur luaj te Barça nuk jam mësuar që gjatë gjithë kohës të vrapoj pas topit. Spanja, së bashku me Brazilin, janë dy favoritet për të fituar Kupën e Botës. Ata më kujtojnë Francën e disa viteve më parë”.