Tifozet e Tiranes protestojne perpara bashkise

Dhjetëra tifozë të Tiranës kanë protestuar përpara Bashkisë së kryeqytetit në lidhje me situatën që po kalon skuadra e tyre. Kjo e fundit ende nuk ka ndërhyrë në merkato për të forcuar ekipin në prag të sezonit të ri të Superligës.
Tifozët kërkojnë më shumë investime për të patur një skuadër kompetitive në kampionatin shqiptar.
Bashkia e kryeqytetit është në kërkim të aksionerëve të tjerë. Më i përfoluri gjatë kohëve të fundit ka qenë presidenti aktual i Kukësit, Safet Gjici.
Gjithsesi palët nuk kanë arritur asnjë marrëveshje.