Tirana, KQZ miraton nesër tabelën e rezultatit
TIRANE- Ndërsa pritej sot miratimi i rezultatit përfundimtar për bashkinë e Tiranë, Komisioni Qëndror I Zgjedhjeve njofton se rezultati për kreun e Bashkisë së Tiranës dhe tabelat që e shoqërojnë do të miratohen gjatë ditës së nesërme.
Tabela permbledhese do te pasqyroje tashme numërimin e votave të hedhura gabim në 1793 kuti votimi të 11 njësive bashkiake në Tiranë, numerimi per te cilat u finalizua dje, me nje thellim avantazhi te kandidatit demokrat Lulzim Basha.
Fiton Basha, 95 vota me shume
Komisioni Qendror i Zgjedhjeve i ka dhene fund numerimit te gjithe votave te ‘gabuara’, ne baze te vendimit te Kolegjit Zgjedhor.
Ne perfundim te procesit, finalizuar pasdreke me njesine numer 11, kandidati i “Aleances per te qytetarin”, Lulzim Basha kryeson me 95 vota, kundrejt kandidatit te “Aleances per te ardhmen”, Edi Rama.
Komisioni Qendror i Zgjedhjeve ka zbatuar me shpejt nga çfare kishte deklaruar me pare, vendimin e Kolegjit Zgjedhor, ku urdherohej te kqyrte te gjitha votat e hedhura në kutitë e gabuara, dhe perfshirjen e tyre në tabelat perfundimtare.
Ne 5 dite KQZ ka hapur dhe ka numeruar votat e hedhura ne kutite e gabuara ne 1795 kuti.
Sipas zedhenesit te KQZ-se, Leonard Olli, diten e neserme KQZ do te kete edhe nje tabele perfundmitare per bashkine e Tiranes.
Nderkohe ne mbyllje te procesit, kreu i KQZ-se Arben Ristani ndersa deklaroi mbylljen e numerimit, e quajti ate nje proces te veshtire por korrekt. Ai falenderoi te gjithe perfaqesuesit e partive poltike, vezhguesit dhe stafin e KQZ-se.