Tirana hap sheshin Skenderbej per trafikun e automjeteve
Bashkia e Tiranes publikoi sot nje projekt te ndryshuar per sheshin Skenderbej sipas te cilit brenda disa javesh aty do te lejohen qe te qarkullojne automjetet. Nje zyrtar i bashkise se kryeqytetit deklaroi se po punohet me ritme te larta per rehabilitimin e sheshit Skenderbej ne akset per qarkullimin e automjeteve. Drejtori i ketij sektori ne bashki Taulant Zeneli tha se sheshi do te hapet per automjetet per te shfryre trafikun e renduar qe vuan aktualisht kryeqyteti i cili eshte bere burim i vazhdueshem stresi per qytetaret dhe per ndotjen e mjedisit.
Krahas siperfaqes se gjelber ekzistuese projekti i ekspozuar sot parashikonte nje lulishte tjeter ne vend te shatrivanit te meparshem dhe rruge kembesore para monumentit te heroit kombetar Gjergj Kastrioti. Zoti Zeneli tha se keto te tanishmet jane vetem disa nderhyrje emergjente sepse zgjidhja afatgjate do te bazohet tek rishikimi i planit urbanistik per te cilin do te merret mendimet e qytetareve dhe specialisteve.
Qeveria edhe me pare kishte deklaruar se punimet masive qe nisi ish-bashkiaku socialist Edi Rama po beheshin vetem per efekte te fushates elektorale dhe pa ndonje plan te detajuar teknik mbi pasojat qe ato kishin ne trafik. Projekti i meparshem parashikonte ndalimin e plote te trafikut ne sheshin Skenderbej dhe ndertim objektesh te tjera ne te. Pas mbikalimit tek Zogu i Zi ky eshte projekti i dyte i madh i bashkiakeve socialiste qe tjetersohet nga qeveritaret dhe bashkiaket demokrate.