Greqise i kerkohet te ndermarre masa me te rrepta ekonomike

Ministri grek i Financave thote se vendi i tij i prekur nga kriza e borxheve duhet te miratoje masa te reja te ashpera para se kredidhenesit e huaj te japin para shtese per te shmangur deshtimin e pagimit te borxheve qe Greqia mori vitin e kaluar ne kuadrin e paketes se ndihmave.

Ministri grek i Financave Evangjelos Vezinelos tha sot ne Parlament se greket nuk e kane kuptuar sic duhet rrezikun qe i kanoset ekonomise se vendit qe mund ta ndaloje operimin ne se nuk miratohen reforma te tjera per shpenzimet.

Gazeta The Wall Street Journal njoftoi se kredidhenesit nderkombetare kerkojne masa te reja shtese nga Greqia me vleren e me teper se 8 miliarde dollareve. Qeveria greke tha sot se do propozone nje plan te ri per shkurtimin e shpenzimeve pervec masave te meparshme per rritjen e taksave dhe shkurtimin e buxhetit.

Kjo eshte nje perpjekje qe synon te sigurohen fonde me vleren e 11 miliarde dollareve nga kredia prej 159 miliarde dollaresh e vitit te kaluar per Greqine nga FMN-ja Bashkimi Evropian dhe Banka Qendrore Evropiane.