Tirana, qarku që vendos fituesin e zgjedhjeve

Rezultati përfundimtar në qarkun e kryeqytetit vulos nëse e majta apo e djathta formojnë qeverinë. Shkodra, Lezha dhe Fieri, qarqet e tjera ku mund të përcaktohet fati i zgjedhjeve të 28 qershorit

Shaban Sulçe

Duket se do të jetë rezultati përfundimtar në qarkun e Tiranës ai që do të përcaktojë fituesin e zgjedhjeve parlamentare të 28 qershorit. Pikërisht në sajë të këtij rezultati do të vendoset nëse qeverisjen e ardhshme do ta formojnë partitë e majta, apo partitë e djathta. Deri dje në orët e para të mëngjesit, e majta dhe e djathta kanë qenë në balancë të plotë. Secila prej dy kaheve politikë, sipas rezultateve paraprake, rezultonin të kishin fituar nga 70 mandate. Konkretisht, “Aleanca për ndryshim”, e kryesuar nga PD-ja, kishte fituar 70 mandate, “Bashkimi për ndryshim”, i kryesuar nga PS-ja, kishte fituar 66 mandate dhe “Aleanca socialiste për integrim”, e drejtuar nga LSI-ja, 4 mandate. Por është qarku i Tiranës, ku procesi i numërimit të votave ende nuk ka përfunduar, ai që do të vendosë fatin e krijimit të maxhorancës së ardhshme.

Tirana
Në qarkun e Tiranës, Partia Demokratike, deri në orët e para të mëngjesit, rezultonte të kishte fituar 15 mandate, ndërsa aleatja e saj, Partia Republikane, kishte fituar 1 mandat. Po 15 mandate kishte fituar Partia Socialiste, ndërsa një mandat LSI-ja. Por avantazhi prej 1000 votash i PS-së ndaj PD-së si dhe fakti që koalicioni i LSI-së është prej 0.3% afër fitimit të mandatit të dytë mund të bëjë që e majta të rezultojë fituese jo vetëm në qarkun e Tiranës, por dhe në të gjithë Shqipërinë. Nëse në kutitë e mbetura do të rezultojë rritje e së majtës, mund të vihen në jetë një nga dy variantet, të cilat do të shpallnin të majtën fituese. Varianti i parë do të ishte që PS-ja të fitonte mandatin e 16-të duke ia marrë PD-së, ndërsa varianti i dytë është që LSI-ja të fitojë mandatin e dytë, pikërisht duke ia marrë Partisë Demokratike.

Qarqet e tjera
Deri në orët e para të mëngjesit të sotëm, bllokimi i procesit të numërimit në tri qarqe ka shtuar më shumë enigma për fituesin e këtyre zgjedhjeve. Kështu, procesi ka mbetur i bllokuar në qytetin e Laçit, i cili mund të rezultojë përcaktues nëse në qarkun e Lezhës Partia Demokratike do të fitojë me rezultat 4-3 ndaj Partisë Socialiste, apo kjo diferencë do të jetë 5 me 2. Gjithashtu, procesi ka qenë i bllokuar në komunën e Bushatit, në qarkun e Shkodrës, ku do të përcaktohet nëse Partia Demokratike do të fitojë me rezultatin 7 me 4 ndaj Partisë Socialiste, apo rezultati do të jetë 8 me 3 në favor të PD-së. Përcaktues do të rezultojë edhe rezultati në qarkun e Fierit. Dilemat janë nëse rezultati do të jetë 9 deputetë në favor të Partisë Socialiste kundrejt 6 mandateve të PD-së, apo ky rezultat do të jetë 8 mandate PS-ja, 6 mandate PD-ja dhe 1 mandat Partia për Drejtësi dhe Integrim.

Shkodër
PD: 7 mandate
Jozefina Topalli, Astrit Bushati, Arenca Trashani, Gëzim Dibra, Gjok Uldedaj, Paulin Sterkaj, Ndue Paluca

PS: 4 mandate
Ilir Beqja, Tom Doshi, Ndue Kola, Astrit Beci

Qarku i Kukësit
PD: 3 mandate
Flamur Noka, Besnik Dushaj, Fatos Hoxha

PS: 1 mandat
Asllan Dogjani

Dibër
PD: 4 mandate
Jemin Gjana, Sherefedin Shehu, Bedri Hoxha, Selami Xhepa

PS: 2 mandate
Sadri Abazi, Qemal Minxhozi

Durrës
PD: 7 mandate
Ferdinand Xhaferri, Albana Vokshi, Gazmend Oketa, Ylli Lama, Osman Metalla, Eduart Halimi, Igli Cara

PS: 5 mandate
Blendi Klosi, Rudina Seseri, Hazir Gashi, Gazmir Bizhga, Klodiana Spahiu

LSI: 1 mandat
Lefter Koka

Tiranë
PD 15 mandate
Sali Berisha, Aldo Bumçi, Rajmonda Bulku, Bujar Nishani, Majlinda Bregu, Gerti Bogdani, Gent Strazimiri, Florian Mima, Ilir Rusmaili, Myqerem Tafaj, Luan Skuqi, Tritan Shehu, Viktor Gumi, Arben Imami, Lajla Pernaska

PS 15 mandate
Vasilika Hysi, Besnik Baraj, Kastriot Islami, Sajmir Tahiri, Fatmir Xhafaj, Andis Harasani, Ditmir Bushati, Eglantina Gjermeni, Namik Dokle, Enkeleda Shkreli, Eduard Shalsi, Xhemal Qefalia, Dashamir Peza, Ilir Gjoni, Artan Gaçi

PR 1 mandat
Fatmir Mediu

LSI 1 mandat
Ilir Meta

Qarku Elbasan
PD: 7 mandate
Lulzim Basha, Ardian Turku, Adriana Gjoni, Rrahim Çota, Dashnor Sula, Luçiano Boçi, Sybi Hida

PS: 7 mandate
Valentina Leskaj, Ilir Bejtja, Shegushe Ligori, Taulant Balla, Damian Gjiknuri, Agim Leka, Skënder Hasa

Berat
PD: 3 mandate
Genc Pollo, Mehmet Xheka, Lefter Maliqi

PS: 4 mandate
Erion Braçe, Fidel Ylli, Ermonela Velaj, Marko Bello

LSI: 1 mandat
Nasip Naço,

Vlorë
PD: 4 mandate
Astrit Patozi, Ardian Kollozi, Leonard Demi, Kreshnik Çipi

PS: 6 mandate
Arben Isaraj, Luiza Xhuvani, Arben Malaj, Shpëtim Idrizi, Eltar Deda, Fatmir Toçi

PDI: 1 mandat
Dashamir Tahiri

PBDNJ: 1 mandat
Vangjel Dule

Gjirokastër
PD: 2 mandate
Genc Ruli, Spiro Ksera

PS: 3 mandate
Arta Dade, Vangjel Tavo, Ethem Ruka

Korçë
PD: 6 mandate
Ridvan Bode, Gjergji Papa, Ledina Aliolli, Edmond Spaho, Fatbardh Kadilli, Ismail Hoxha

PS: 6 mandate
Ben Blushi, Pandeli Majko, Mimi Kodheli, Alfred Dalipi, Arben Ahmetaj, Olta Xhaçka

Fier

PD: 6 mandate
Sokol Olldashi, Ilir Bano, Mesila Doda, Enkeleid Alibeaj. Vasillaq Ngresi, Fatos Beja

PS: 9 mandate
Gramoz Ruçi, Ermelinda Meksi, Albert Caci, Fatos Tushe, Armando Subashi, Bashkim Fino, Ervin Koçi, Arben Çuko, Pirro Lutaj

LSI: 1 mandat
Dritan Prifti

Lezhë
PD: 4 mandate
Edi Paloka, Mark Marku, Pavlina Hoti, Rajmond Hoxha

PS: 3 mandate
Gjok Jaku, Gjovalin Kadeli, Armando Prenga

Koalicioni “Aleanca për Ndryshim” 70 mandate
Partia Demokratike 68 mandate
Partia Republikane 1 mandat
Partia Drejtësi dhe Integrim 1 mandat

Koalicioni “Bashkimi për Ndryshim” 66 mandate
Partia Socialiste 65 mandate
Partia Bashkimi për të Drejtat e Njeriut 1 mandat

Koalicioni “Aleanca Socialiste për Integrim”4 mandate
Lëvizja Socialiste për Integrim 4 mandate

1 Korrik 2009