Tirana, uje te ndotur ne dy pika
Mungesa e ujit ne kryeqytet, apo ardhja e tij me orar te kufizuar, mund te sjelle nje ndotje bakteriologjike te tij. Inspektimet e bera nga Drejtoria e Higjienes, gjate ketij sezoni veror ne zona te ndryshme te Tiranes, per ndotjen e ujit te pijshem, tregojne se rastet e shfaqura kane qene sporadike dhe te paperseritshme. Sipas analizave te bera nga ky institucion, rezulton se shkaku kryesor kane qene punimet qe behen ne akse te ndryshme rrugore. Keto raste jane izoluar ne zonen e dy bulevardeve kryesore, ate "Zhan D'Ark dhe "Zogu i Pare", si dhe disa raste ne lagje te populluara te kryeqytetit. “Nga inspektimet e bera ne kryeqytet gjate ketij sezoni veror, ka rezultuar se nuk ka lagje problematike, te cilat kane ndotje te ujit te pijshem, por keto jane vetem pika te vecanta, ne te cilat ka rezultuar se ka pasur punime”, deklaroi drejtori i Institutit te Higjienes, Gjergji Ndoja. Sipas tij, nje tjeter faktor qe ndikon ne ndotjen e ujit eshte edhe mungesa e tij per nje kohe te gjate, gje qe favorizon zhvillimin e mikrobeve ne tubacione. Gjate ketij viti, kryeqyteti nuk eshte perballur me raste te ndotjeve masive te ujit, apo shperthim te epidemive, per shkak te tyre. Por ajo qe theksohet nga drejtuesit e Institutit te Higjienes eshte se shpesh here Bashkia e Tiranes behet shkaktar per moskryerjen e punimeve ne kohe, pasi nuk jep leje per carjen e asfalteve. “Nje problem mbeten procedurat e sterzgjatura per te marre nje leje nga Bashkia e Tiranes, per nderhyrjen ne rrjetin e kanalizimeve", thote Ndoja. Sipas tij, ky institucion duhet qe te pershpejtoje procedurat, me qellim qe te ndalohen ne kohe ndotjet qe evidentohen. Nderkohe, nga inspektimet e tjera te kryera ne periferi te kryeqytetit, ka rezultuar se komunat perreth konsumojne uje te ndotur edhe kjo per shkak te ndertimeve te shumta ne to. Sipas te dhenave, zonat te cilet kane uje te ndotur jane pikerisht territoret prane Liqenit Artificial, zona te caktuara ne Komunen e Dajtit, e sidomos Komuna e Kasharit. Specialistet shpjegojne se shkak kryesor per ndotjen e ujit te pijshem ne keto territore behen ndertimet e reja te pallateve, sidomos atyre qe ngrihen ne territore ku nuk behen kanalizimet e ujerave, per shkak te mungeses se studimeve urbanistike. Por aty edhe furnizimi me uje nuk eshte i rregullt dhe kjo pasi, sic pohojne edhe vete perfaqesuesit e Drejtorise se Ujesjelles-Kanalizimeve, mungojne kontratat me keta konsumatore te paligjshem. S. Isaku