Tirane 21-vjecari ne arrest shtepie ben plagosje ne bilardo
TIRANE - Policia e Tiranes shpalli ne kerkim dje Klajdi Kodren djalin e qiteses Lindita Kodra nenkampione e Europes si autor i nje vrasjeje te mbetur ne tentative. Ne nje kohe kur Gjykata e Tiranes kishte vendosur masen e sigurise arrest shtepie pasi ne gusht te vitit te kaluar plagosi me thike dy vellezer Klajdi Kodra jo vetem ka thyer masen e sigurimit por ka kryer nje tjeter plagosje. Ngjarja per te cilen akuzohet 21-vjecari Kodra ndodhi mbremjen e se henes ne nje salle bilardoje pas nje sherri qe ai ka pasur gjate lojes me dy te rinj Roland Lacin dhe Elvis Burimin. Ne grindje e siper Klajdi Kodra ka nxjerre nga brezi nje pistolete dhe ka qelluar ne drejtim te Roland Lacit 26 vjec duke e plagosur rende. Me pas eshte larguar menjehere ne vendin e ngjarjes ndersa i plagosuri sipas policise ndodhet ne Spitalin Ushtarak dhe e ka kaluar rrezikun per jeten. Oficeret e Krimeve kunder Jetes dhe Lirise se Personit sekuestruan ne vendin e ngjarjes nje gezhoje te kalibrit 9 milimeter qe i perket pistoletes me te cilen eshte kryer plagosja. Ndersa Klajdi Kodra u shpall ne kerkim me akuzen e vrasjes me dashje mbetur ne tentative dhe armembajtje pa leje. Burimet sqaruan se Kodra ka thyer masen e sigurise se dhene nga rreth 3 muaj me pare arrest shtepie per nje tjeter plagosje qe ai dyshohej te kishte kryer ne muajin gusht te vitit 2010. Me 18 gusht ai u shpall per here te pare ne kerkim pasi u akuzua per plagosjen e dy vellezerve Renald dhe Klejdi eco 18 dhe 22 vjec te cilet i plagosi me thike ne afersi te shkolles Vasil Shanto. Arrestimi i tij per kete ngjarje u krye disa jave me pas dhe gjykata caktoi ndaj tij masen e sigurise arrest shtepie mase te cilen ai rezultoi ta kete thyer diten e hene dhe ne mbremje kreu nje tjeter plagosje kesaj radhe me arme zjarri. Policia ka ushtruar kontrolle ne banesen e tij ne afersi te Laprakes ne Tirane por familjaret jane shprehur se nuk e kane pare te birin qe prej mengjesit te se henes. Ndersa ne banesen e tij nuk eshte gjetur ndonje arme apo objekt tjeter i jashteligjshem.