Tiranë, digjet fabrika e vajrave të makinës në Vaqarr

Burime nga policia e Tiranës bëjnë të ditur se një fabrikë është përfshirë nga flakët mëngjesin e sotëm në Vaqarr. Fabrika mbante vajra makinash dhe sipas policisë ende nuk janë zbardhur shkaqet e zjarrit.

Menjëherë në vendngjarje kanë shkuar zjarrfikëset, të cilat kanë bërë të mundur shuarjen e zjarrit. Mësohet se fatmirësisht nga zjarri nuk ka të lënduar në njerëz por vetëm dëme materiale.

Ndërkohë policia ka nisur hetimet për zbardhjen e plotë të shkaqeve të zjarrit.