Tirane i denuari kapet me 7 qese hashash ne burgun 313
TIRANE - Policia e Burgut 313 ne Tirane ka zbuluar rreth 40 grame bime narkotike kanabis sativa ne qeline e nje te denuari per mosbindje ndaj urdhrit te policise. Droga e ndare ne shtate qese farmacie u zbulua e fshehur ne rrobat e 22-vjecarit Selim Rama i cili per pak dite priste lirimin nga burgu. Bima narkotike u gjet mengjesin e dites se marte gjate nje kontrolli ne qelite e te denuarve dhe menjehere policia e burgut lajmeroi oficeret e Antidroges se Tiranes. Blute e kryeqytetit njoftuan dje zyrtarisht se ne ambientet e Burgut 313 ne Tirane eshte kapur ne flagrance nga sherbimet e ketij burgu me nje sasi lende narkotike prej 40 grame kanabis sativa i denuari Selim Islam Rama 22 vjec banues ne Yzberisht Tirane. Sipas policise i denuari se fundi po perfundonte 6 muaj burg te dhena ne fillim te ketij viti nga Gjykata e Tiranes. Ai ishte shpallur fajtor per armembajtje pa leje kanosje kundershtim te punonjesit te policise si dhe prodhimit dhe shitje lendesh narkotike. Sipas burimeve nga policia mesohet se ka qene nje kontroll i zakonshem qe ushtrohet ne burgje por edhe informacione qe punonjesit e brendshem te Burgut 313 kishin marre ne rruge operative qe zbuluan sasine e hashashit te fshehur ne rrobat e te denuarit. Policia ende nuk ka marre dijeni nga administrata e burgut sesi mund te jete futur ne qeline e te denuarit sasia prej 40 grame hashash. Nderkohe dyshohet se Selim Rama mund ta kete marre bimen narkotike gjate ndonje takimi me te afermit apo me miqte. Menyra sesi eshte futur bima narkotike pritet te zbulohet nga verifikimet qe do te kryhen ne vazhdim nga punonjesit e brendshem te burgut ne bashkepunim me policine. Sipas burimeve nga policia e kryeqytetit dyshohet se sasia e zbuluar ne qeline e te denuarit Rama ishte e destinuar per shitje ne ambientet e burgut per te denuarit e tjere qe mund te ishin te interesuar. Selim Rama per disa dite pritej te lirohej nga burgu por mesa duket do i duhet te qendroje aty edhe per disa kohe pasi tashme ka nisur procedim penal per akuzen e prodhimit dhe shitjes se lendeve narkotike.