Tiranë, në pranga grupi, vidhnin motorë

Një grup kriminal që merrej me vjedhjen e motorëve në kryeqytet ka përfunduar sot në prangat e policisë.

Burime në policinë e kryeqytetit  bëjnë të ditur se 6 persona janë vënë në pranga dhe 18 motorë janë sekuestruar gjatë operacionit të komisariatit nr 1.

Policia nuk bën të ditur identitetin e të arrestuarve, por thekson se grupi në fjalë kishte kryer një sërë vjedhjesh në Tiranë dhe Durrës.

Materialet e dokumentuara në ngarkim të 6 të arrestuarve i kaluan prokurorisë për hetime të mëtejshme.