Tiranë, pacientët përballen me kushtet e rënda të spitaleve
TIRANE- Pacinetët që paraqiten në urgjencën e sëmundjeve të brendshme, në vend që të marrin një trajtim të kujdeshëm rëndohen më tepër nga kushtet ku marrin ndihmën e parë. Për shkak të mungesës së krevateve personeli jep ndihmën e parë në karrige e tavolina. Dr,Petrit Vargu i bën thirrje strukturave shtetërore të kthejnë sytë nga pacientët në vend që të merren me debatet e kota të korrupsionit.
Edhe pacientët e familjarët shprehën të shqetësuar për kushtet mjaft të këqia dhe thonë se duhet të vihet dorë sa më shpejt të jetë e mundur, pasi në vend të shërimit, në spitale po sëmuren më tepër.
Të gjithë pacientet që vizitohen në urgjence, duhet të presin vendimin e mjekut për tu shtruar ose jo në spital, por duhet të jesh me fat që të gjesh një shtrat të lirë në reparte.
Kamera e televizionit “Neës24” ka parë situatën edhe në ambjentet e reanimacionit të Kardilogjise, ku ishte e njëjta pamje. Të sëmurë me zemër të shtruar në korridorin e reanmiacionit dhe jo në dhoma te vecanta.
Sipas shefit të Reanimaciont të Kardiologjisë, Anesti Kondili, ata e kanë ngritur shpesh herë këte problem në Drejtori e Ministri por nuk është bërë asgjë.
Pervec mungesës së shtratve mjekët ankohen edhe për mungesën e ilaceve të domosdoshme. Ndërkohë, pacientët duke përsëritur fjalët “Mos pafsh as hasmin në spital”i bëjnë thjirrje Ministrisë së shëndetësisë për të kthyer sytë atje ku përballet jeta me vdekjen.
(e.n/News24/Balkanweb)