Tiranë, trajleri përplas fuoristradën tek rrethrrotullimi i Doganës

TIRANE - Një aksident është shënuar mesditën e sotme në rrethrrotullimin e doganës në hyrje të kryeqytetit, ku fatmirësisht nuk ka patur të lënduar në njerëz.

Në aksident janë përfshirë dy automjete, një fuoristradë tip Jeep dhe një trajler i cili gjatë një manovre po kthehej për t’u futur në parkingun e doganës.

Incidenti ka bllokuar dhe hyrjen e kryeqytetit për disa minuta duke shënuar rradhë të gjata trafiku.

Eshtë dashur ndërhyrja e policisë rrugore dhe shërbimit karroatrec për të lëvizur fuoristradën e dëmtuar dhe hapur rrugën për automjetet.

Pamje nga aksidenti

(ad.ti/a.r/shqiptarja.com)