Tiranë, vritet me armë zjarri roja e një karburanti

TIRANE – Vritet me armë zjarri roja e një karburanti në kryeqytet. Ngjarja ka ndodhur në orët e para të mëngjesit, në zonën e njohur si kthesa e Kamzës, ndërsa nuk dihen ende shkaqet dhe autorët e vrasjes.

Policia mbërriti në vendngjarje dhe nisi hetimet për zbardhjen e krimit. Mësohet se viktima është shtetasi Aldo Vrapi nga Paskuqani.

Burime nga policia bëjnë të ditur se pista kryesore e hetimit është tentativa për grabitjen e pikës së karburantit nga autorët e vrasjes. Por grupi hetimor nuk përjashton edhe pista të tjera.

(er.nu/BalkanWeb)