Tiranë,mungesa e banjove publike,shqetësime te qytetarët

Mungesa e banjove në ambientet publike në Tiranë, ka sjellë shqetesime në radhët e qytetarëve . Nëse do të duhet të kalosh qoftë edhe për një çast në afërsi të urave që lidhin brigjet e lumit të Lanës, do të ndeshesh me një erë aspak të këndshme për hundën e njerëzve duke u kthyer në një problem vërtetë serioz për ta. Dy banjot publike që dikur ndodheshin te Partizani i Panjohur, tashmë nuk ekzistojnë më, pasi ky shesh është shndërruar në një shesh ku janë vendosur disa monumente. Krahas eres se keqe, një tjetër problem për sytë e gjithësecilit, përbën edhe çështja e papastërtive jo të pakta që rrjedhin buzë këtij lumi duke e rënduar gjithnjë e më tepër situatën, jo vetëm në aspektin estetik por edhe në atë shëndetësor. E gjithe kjo situatë kërkon një ndërgjegjësim nga ana e qytetarëve të cilët duhet të bëhen të ndërgjegjshëm për çdo veprim të tyre, për të bërë të mundur një jetesë sa më komode dhe të shëndetshme në metropolin shqiptar.