Titujt e pronësisë, arkivohen 1200 ankesa
07/12/2009 Fier, rreth 70% e ankesave lidhet me vonesat në vendosjen e vulave në certifikatë
FIER- Rritet numri i ankesave dhe kërkesave në Drejtorinë e Verifikimit të Titujve të Pronësisë në prefekturën Fier për tokën bujqësore. Sipas drejtuesit të kësaj drejtorie, Arben Duka, numri i ankesave të paraqitura nga fermerët e qarkut Fier për këtë periudhë për zgjidhjen e çështjes së tokës bujqësore shkon në 1204 dosje.
Ankesat
Në prefekturën e Fierit, në komisionin e ngritur enkas për verifikimin e titujve të pronësisë janë arkivuar 1204 dosje me ankime. Poseduesit e tokës kanë çuar për verifikim të gjitha problemet që kanë mbi pronësinë, duke i vënë punonjësit e këtij komisioni para një pune mjaft intensive. Sipas Arben Dukës, ankesat janë të natyrave të ndryshme por rreth 70% e këtij numri kanë të bëjnë apo kërkojnë zgjidhje për mungesën e vulave në aktin e marrjes së tokës në pronësi, e cila nuk është vendosur nga komisionet e tokës në njësitë vendore. Ndërkohë nga kjo drejtori janë mundur të zgjidhë vetëm 136 dosje dhe kjo për vet faktin se kërkohet kohë dhe një vendim i drejtë. Sipas Dukës ka shumë ankesa nga ana e fermerëve fierak për shkak të zvarritjes së procedurave ose kthimit të tyre për shkak të saktësisë së këtyre dokumenteve. Verifikimi i titujve të pronësisë parashikon një periudhë funksionimi prej një kohe të gjatë dhe ka ankesa edhe për mbivendosje pronash dhe pasaktësi të zbatimit të ligjit 7501.
FIER- Rritet numri i ankesave dhe kërkesave në Drejtorinë e Verifikimit të Titujve të Pronësisë në prefekturën Fier për tokën bujqësore. Sipas drejtuesit të kësaj drejtorie, Arben Duka, numri i ankesave të paraqitura nga fermerët e qarkut Fier për këtë periudhë për zgjidhjen e çështjes së tokës bujqësore shkon në 1204 dosje.
Ankesat
Në prefekturën e Fierit, në komisionin e ngritur enkas për verifikimin e titujve të pronësisë janë arkivuar 1204 dosje me ankime. Poseduesit e tokës kanë çuar për verifikim të gjitha problemet që kanë mbi pronësinë, duke i vënë punonjësit e këtij komisioni para një pune mjaft intensive. Sipas Arben Dukës, ankesat janë të natyrave të ndryshme por rreth 70% e këtij numri kanë të bëjnë apo kërkojnë zgjidhje për mungesën e vulave në aktin e marrjes së tokës në pronësi, e cila nuk është vendosur nga komisionet e tokës në njësitë vendore. Ndërkohë nga kjo drejtori janë mundur të zgjidhë vetëm 136 dosje dhe kjo për vet faktin se kërkohet kohë dhe një vendim i drejtë. Sipas Dukës ka shumë ankesa nga ana e fermerëve fierak për shkak të zvarritjes së procedurave ose kthimit të tyre për shkak të saktësisë së këtyre dokumenteve. Verifikimi i titujve të pronësisë parashikon një periudhë funksionimi prej një kohe të gjatë dhe ka ankesa edhe për mbivendosje pronash dhe pasaktësi të zbatimit të ligjit 7501.