Tokat turistike, tani ne pronesi
Te gjithe ata banore qe kane ne perdorim ferma, ne baze te ligjit 7501 ne zonat turistike, do te kene mundesi tashme te marrin pronesine e tyre. Kryeministri Sali Berisha, tha dje ne mbledhjen e grupit parlamentar demokrat, se ne seancen e se merkures do te diskutohet nje amendament per ligjin ne zonat turistike, ku banoret qe kane mbetur duarbosh pa tokat qe kishin ferma, te marrin nje vleresim. "Komisioni propozon qe dhenia e tokes te kete nje lloj proporcionimi per fryme te familjes. Dhe e kane propozuar nga 300 m2, minimumi deri ne 750 m2 ne varesi te frymeve te familjes. Une jam dakord me kete koncept. Pak a shume mund te shkoje me teper, por une e vleresoj kete nderhyrje", u shpreh dje kreu i qeverise. Sipas tij, kjo nderhyrje behet ne kuader te reformave te premtuara dhe per kompletimin e reformes se pronesise. Nga ana tjeter, kreu i qeverise, komentoi edhe dosjet e shumta te pronareve, qe do te shqyrtohen se shpejti nga Agjencia e Kthimit dhe Kompensimit te Pronave ne Tirane. Duke qene se agjencite e tjera ne qarqet e vendit, nuk do te funksionojne, nga dita e merkure agjencia ne Tirane, do te mandatohet te nise shqyrtim e te gjitha ankesave te depozituara para dates te skadimit te paraqitjes se tyre. "Kane qene rreth 40 mije ankesa, tani kane ngelur rreth 8 mije. Eshte bere pune voluminoze, por edhe keto 8 mije, do te kerkojne ripershtatjen e Agjencise Kombetare te Kthimit dhe Kompensimit te Pronave, ne perputhje me kete vellim te madh pune dhe qeveria sigurisht do te shqyrtoje mundesine e nje strukture te re per agjencine, per te pasur te gjithe ekipin dhe burimet e mjaftueshme njerezore per t'iu pergjigjur sa me shpejt shqyrtimit te 8100 dosjeve qe jane pa u shqyrtuar", theksoi kryeministri. Ndaj sipas tij, seanca e fundit plenare per kete sesion te Parlamentit, e cila do te zhvillohet diten e merkure, do te jete ne kuader te realizimit te reformave. Pavaresisht bojkotit me shume se tre mujor te opozites, kryeministri pergezoi deputetet e djathte per kontributin e dhene keto muaj dhe miratimin e ligjeve te rendesishme. Sipas tij, qeveria shume shpejt, sapo te mbushi edhe 100 ditet e saj, do te beje transparencen e punes se bere.