Topalli: Do marrim statusin. Sequi: Mbështesim integrimin. Wollfarth: Me rëndësi reforma zgjedhore

Kryetarja e Kuvendit, Jozefina Topalli u shpreh e sigurt se shumë shpejt Shqipëria do të marrë statusin kandidat për në BE. Këtë gjë kryetarja e Kuvendit e bazon në votimin e ligjeve me 3/5 dhe ecuronë e reformave. Gjatë fjalës së saj në konferencën e gjashtë të Komisioneve Parlamentare të Integrimit Evropian të Shteteve pjesëmarrëse në Procesin e Stabilizim Asociimit, kryeparlamentarja tha se “gjatë kësaj periudhe në Kuvend jemi përballur me sfida të ndryshme, ndërkohë që reformat në vend po ecin në rrugën e duhur, janë në proces reformat parlamentare dhe zgjedhore”. “Dy janë kolonat kryesore: ekonomia dhe procesi i integrimit. Kemi bërë progres në votimin e ligjeve që kërkon vota e të dy palëve. Në process kemi dy reformat parlamentare dhee zgjedhore”- u shpreh Topalli, ndërsa përgëzoi Kroacinë për anëtarësimin në BE dhe Serbinë për marrjen e statusit. “Ne gëzohemi për çdo vend që bën këtë hap drejt BE-së. E konsiderojmë edhe si sukses të shqiptarëve sepse do kemi një mik më shumë vend anëtar të BE-së, që kupton rrugën tonë dhe që mund të na mbështesë në rrugën tonë”- tha më tej kryetarja e Kuvendit, Jozefina Topalli.

Sequi: BE mbështet anëtarësimin e Shqipërisë
Kreu i delegacionit të Komisionit Evropian në Tiranë, Ettore Sequi vlerësoi se Bashkimi Europian mbështet anëtarësimin e Shqipërisë dhe e ka treguar këtë polikisht dhe ekonomikisht, ndërsa nënvizoi se është përgjegjësia e Shqipërisë që kjo mbështetje të kthehet në rritje dhe integrim. “Është shumë e rëndësishme që të mbështesim këto arritje. Më lejoni të them që BE-ja është aktor real, ne jemi seriozë dhe mbështetës në atë çfarë themi dhe e kemi demonstruar politikisht dhe ekonomikisht. BE është donatori më i madh në Shqipëri, për të cilën hjanë investuar gjysmë milliarda euro që nga 2007. Është përgjegjësia e shqipërisë që kjo mbështetje të kthehet në rritje dhe integrim për qytetarët e këtij vendi” – u shpreh Sequi

Volfarth: Të përparohet reforma zgjedhore
Ndërsa ambasadori i OSBE-së, Eugen Volfarth tha se procesi i integrimit është në krye të axhendës dhe mbështet Shqipërinë në këtë proces. Ai tha se “më për zemër kemi reformën zgjedhore, pasi është shumë e rëndësishme për demokracinë”.
Gjithashtu Volfarth tha se një çështje shumë e rëndësishme për Shqipërinë dhe rajonin është edhe çështja e pronave .
“Legjilsacioni konfliktual e ka bërë më të vështirë procesin. Qeveria duhet të përgëzohet për draftin e strategjisë për pronat dhe shpresojmë që kjo t’i hapë rrugë rregullimit të legjislacionit dhe zgjidhjes së çështjes”.

Bregu: Integrimi, projekt kombëtar, do dorëzojmë planin e veprimit

Ministrja e Integrimit Evropian, Majlinda Bregu në fjalën e saj theksoi se sfidë mbetet dorëzimi i plan veprimit për 12 prioritet, ndërsa u shpreh se pavarësisht ndasive politike të përbashkët me opozitën kemi ndërgjegjësimin që ky është një porces mbarëkombëtar
“Sfida jonë është dorëzimi i plan veprimit për 12 prioritetet. A kemi mundur ta bëjmë çdo gjë me perfeksion? Pavarësisht ndasive politike të përbashkët më Ditmirin kemi ndërgjegjësimin që ky është proces mbarëkombëtar. Nuk mjaftojnë vetëm fjalët, nuk mjaftojnë dhe nuk janë as të tepërta kometnet që kërkon opozita kur thotë se duhet serioziet”- deklaroi ministrja e Integrimit, Evropian, Majlinda Bregu.

Meta: Sfida jonë e madhe bashkëpunimi politik

Ndërsa për kryetarin LSI-së, Ilir Meta sfida më e madhe e integrimit mbetet bashkëpunimi politik, ku një rëndësi të madhe ka dialogu politik mes palëve, që sipas tij duhet të kemi një zë të përbashkët në Europë.