Topalli: Ligji i dosjeve, me dinjitet

Kryetarja e Kuvendit, Jozefina Topalli, ka deklaruar sërish dje se Kuvendi ka miratuar me dinjitet ligjin për dosjet. Duke injoruar qëndrimin kritik të ndërkombëtarëve, Topalli tha se, "ajo që ne duam të garantojmë është që zbatimi i këtij ligji të bëhet në mënyrë transparente dhe në përputhje me të gjitha standardet e kërkuara nga Strasburgu". Sipas saj, "ky është shteti ligjor i mbështetur në atë ç‘ka është morale, mbi transparencën dhe mbi principet, me të cilat funksionon demokracia në vendet e lira".