Topalli: Rama te jape doreheqjen

Ndersa kryeministri zgjodhi te fliste me gjuhen e shifrave dhe te investimeve, kryetarja e Kuvendit replikoi ne distance me kryetarin e Partise Socialiste Edi Rama. Te dy figurat kyce te mazhorances se djathte, u ngjiten te dielen ne Malesine e Madhe per te peruruar disa fillime apo perfundime punimesh ne vepra te ndryshme te infrastruktures.

“Qeveria ka investuar ne Shqiperine rurale 1.2 miliarde dollare, por mbeten ende miliarda per t'u investuar qe keta fermere te jetojne ne kushte normale”, eshte shprehur Berisha.

Duke mbeshtetur arritjet e qeverise, kryetarja e Kuvendit Jozefina Topalli tha se i vetmi qe nuk i ve re ato eshte kryetari i Partise Socialiste.

Duke e akuzuar zotin Rama per perdorimin politik qe i beri sipas saj vdekjes se Kosta Trebickes, kryetarja Topalli kerkoi doreheqjen e Edi Rames.

“Ne cdo vend demokratik nje kryetar partie pasi ka manipuluar me vdekjen duhet te kishte dhene doreheqjen nese do te vetetohej se eshte e kunderta e asaj qe ai ka deklaruar cdo dite”, tha Topalli.

Ne takime ne fshatrat e Malesise se Madhe, kryeministri u angazhua se qeveria do t'i permbahet premtimeve te veta, kryesisht ato per ndertimin e rrugeve rurale, qe duhet te lidhin keto zona me akset kryesore te levizjes.

Sipas kryeministrit, kjo do te sillte nje zhvillim te turizmit edhe ne zonat e thella te Vermoshit e Thethit, krahas zonave te bregdetit.