Topalli në Maqedoni, takohet me krerët e shtetit

Kryetarja e Kuvendit Jozefina Topalli vijon ditën e dytë të vizitës në Maqedoni. Gjatë ditës së sotme ajo do të takohet me krerët e shtetit, presdentin Gjorgje Ivanov, kryeministrin Nikolla Gruevski, Kryetarin e Parlamentit të Maqedonisë, Trajko Veljanoski ndërsa më pas do të mbajë edhe një fjalë përshëndetëse para deputetëve të Maqedonisë.
 

Gjithashtu kryeparlamentarja Topalli do të takohet edhe me deputetët e grupit të miqësisë Maqedoni-Shqipëri dhe me një grup grash deputete.
 

Ndërkohë ditën e djeshme, Topalli është takuar edhe me dy krerët e partive politike shqiptare, Ali Ahmetin dhe Menduh Thaçin.
 

Në takimin mes Topallit dhe dy liderëve, të BDI-së dhe PDSH-së është diskutuar për zhvillimet politike, incidentet e fundit ndëretnike, procesin e integrimi euroatlantik si dhe gjendja e partive politike shqiptare në Maqedoni.