Topi-Hasani: Sistem gjyqësor të pavarur dhe profesional

Kreu i shtetit Bamir Topi ka deklaruar sot se është e rëndësishme konsolidimi i një sistemi gjyqësor të pavarur, të paanshëm e profesional e të painfluencuar nga trysnitë politike apo ekonomike. Gjatë një takim me Kryetarin e Gjykatës Kushtetuese të Kosovës, Enver Hasani,

Topi gjithashtu theksoi “rëndësinë e rritjes së bashkëpunimit të gjithanshëm mes institucioneve ligjore të të dyja vendeve tona në përpjekje për forcimin dhe konsolidimin e shtetit të së drejtës sipas standardeve më bashkëkohore evropiane”.
 

Në këtë kuadër Presidenti Topi dhe Kryetari i Gjykatës Kushtetuese të Kosovës, Enver Hasani vunë në pah rëndësinë e hartimit dhe zbatimit të projekteve konkrete të gjykatave kushtetuese respektive dhe marrëveshjeve të ndryshme në fushën e drejtësisë mes dy vendeve tona.
 

Kryetari i Gjykatës Kushtetuese të Kosovës, Enver Hasani, i shprehu mirënjohjen Presidentin Topi për pritjen e rezervuar, duke e siguruar se institucioni që ai drejton do të vazhdojë të rrisë e të zgjerojë bashkëpunimin me Gjykatën Kushtetuese të Shqipërisë, si dhe do të punojë akoma më shumë në drejtim të forcimit të institucioneve ligjore dhe shtetit të së drejtës në Kosovë.