Topi-Topalli, bashke ne nje tryeze
Inspektorati
Presidenti Bamir Topi dhe Kryetarja e Kuvendit, Jozefina Topalli, do te jene diten e sotme se bashku ne tryezen kunder korrupsionit. Ku per te paren here pritet qe mes 12 shteteve te Ballkanit Perendimor dhe me gjere, te krijohet rrjeti nderkombetar antikorrupsion. Ne tryezen e organizuar nga Inspektorati i Larte i Deklarimit dhe Kontrollit te Pasurive, me pjesemarrje te gjere te perfaqesuesve nga 12 shtete te Ballkanit dhe me gjere, kreret e shtetit, do te japin vleresimin dhe keshillat e tyre mbi ashpersimin e masave kunder ketij fenomeni. Aktiviteti "Bashkepunimi nderkombetar per parandalimin e konfliktit te interesave dhe deklarimin e pasurive-nje instrument ne luften kunder korrupsionit", i organizuar nga Inspektorati i Larte i Deklarimit dhe Kontrollit te Pasurive ne bashkepunim me Sekretariatin e Iniciatives Rajonale Anti-korrupsion per vendet e Evropes Juglindore, do t'u krijoje mundesine perfaqesuesve nga 12 vende te Ballkanit dhe me gjere, per te diskutuar mbi krijimin e nje strategjie te perbashket anti-korrupsion. Nje strategji kjo, zbatimi i se ciles, do te ndikonte shume pozitivisht edhe ne kuader te procesit te liberalizimit te vizave, per vendet e Ballkanit Perendimor qe ende nuk e kane realizuar kete objektiv si dhe ne kuader te procesit te integrimit te tyre ne Bashkimin Evropian. Ne perfundim te diskutimeve, ku do te mbajne fjalen edhe Presidenti Bamir Topi dhe Kryetarja e Kuvendit, Jozefina Topalli, palet do te nenshkruajne nje deklarate te perbashket, e cila formalizon krijimin e Rrjetit nderkombetar Antikorrupsion, si dhe do te miratohet Statuti mbi te cilin do te funksionoje Rrjeti Nderkombetar. Takimi i cili do te nise ne oret e para te dites se sotme, do te zgjase per dy dite radhazi ne vendin tone. Objekt i tryezes dy-ditore, do te jete angazhimi mes te gjitha shteteve pjesemarrese per permiresimin e punes ne luften dhe parandalimin e konfliktit te interesave. Pergjate vitit te kaluar, Inspektorati i Larte i Deklarimit dhe Kontrollit te Pasurive (ILDKP), nga kontrollet e kryera ne institucionet publike, ka zbuluara jo pak por 121 raste te konfliktit te interesit. Kur zyrtaret ushtronin aktivitet privat qe bie ndesh me profesionin e tyre. Madje per kete ceshtje, jo te pakta kane qene edhe kallezimet penale. Inspektorati i Larte ka konstatuar se duhet te vihen ne levizje instrumente ligjore, qe te veprojne per rregullimin e pasojave juridike te akteve te marra ne kushtet e konfliktit te interesave, ne rastet kur institucionet pergjegjese nuk i japin zgjidhje. Nderkohe qe 16 zyrtare, u paditen ne Prokurori me akuzen "Refuzimi per deklarim, mosdeklarimi, fshehja ose deklarimi i rreme i pasurive te personave te zgjedhur dhe nepunesve publike". R. Rapushi