Topi-Uollfarth: Prisni qetesisht vendimin
Te funksionoje ligji dhe shteti i se drejtes. Apeli u be dje, pak ore nga dhenia e vendimit nga Kolegji Zgjedhor per rezultatin e Bashkise se Tiranes, nga Ambasadori i OSBE-se, Eugen Uollfarth si dhe Presidenti Bamir Topi, te cilet pervec keshilles per pritje me qetesi te vendimit te sotem te gjykates, kerkuan edhe dialog mes paleve, qe do te conte perpara reformat ne vend. Dy palet, zhvilluan nje takim pikerisht per te diskutuar per kete ceshtje si dhe mbi situaten politike dhe duke pasur parasysh aspiratat ende te papermbushura integruese evropiane te mbare popullit shqiptar, ndane te njejtin shqetesimin per sa i perket mos shpalljes se rezultateve perfundimtare te zgjedhjeve vendore. “Ne keto momente duhet te funksionoje vetem ligji dhe shteti i se drejtes ne menyre qe te zbatohen standardet e verteta te drejtesise e te demokracise me te konsoliduar perendimore”, u shprehen dy palet. Duke u ndalur gjate ne biseden e tyre ne situaten pas zgjedhore ne vendin tone, si Uollfarth ashtu edhe Topi, kerkuan mbylljen sa me shpejt te procesit zgjedhor, ne menyre te paanshme dhe te pavarur. “Theksoj nevojen e permbylljes se procesit te zgjedhjeve vendore te dates 8 maj 2011, sipas ligjeve ne fuqi dhe pritjes me qetesi nga te gjitha palet te gjykimit perfundimtar, te paanshem e te pandikuar politikisht nga ana e institucioneve te pavarura ligjore perkatese, ne kete rast te Kolegjit Zgjedhor, qe do te thote fjalen e fundit ne lidhje me kete proces te sterzgjatur”, vijoi qendrimi. Ne kete pike, Presidenti Topi dhe Ambasadori Uollfarth, vune ne pah nevojen per nisjen sa me shpejt te punes me konsensus dhe dialog nderpartiak per reformimin e Kodit Zgjedhor ne fuqi dhe permiresimin e mangesive te tij aktuale. Duke marre parasysh ketu faktin, se pas ketyre zgjedhjeve, dolen ne pah jo pak pika ne Kodin Zgjedhor, per tu permiresuar dhe zbatuar ne funksion te zgjedhjeve te ardhshme parlamentare. Diplomati i OSBE-se, shprehu gjithashtu edhe mbeshtetjen e vendosur per Presidentin Topi dhe per apelet e tij te vazhdueshme qe bejne thirrje per respektimin e shtetit te se drejtes dhe ligjeve ne fuqi, duke theksuar nevojen e rivendosjes se dialogut institucional e funksional demokratik. Jo te pakta kane qene apelet e Ambasadorit Uollfarth per klasen politike si per pritjen ne qetesi dhe zbatimin e vendimeve te Kolegjit Zgjedhor te Gjykates se Apelit, ashtu edhe per nisjen sa me pare te dialogut politik ne kuader te realizimit te reformave te domosdoshme per integrimin e vendit. R. Rapushi