Topi apel shofereve: Duhet kultura e qarkullimit rrugor
Tragjedia e dy diteve me pare, ku humben jeten 14 persona, duhet te sherbeje dhe si nje sinjal per te rritur nivelin e pergjegjshmerise se drejtuesve te automjeteve. Nje apel te forte ndaj qytetareve dhe drejtuesve te automjeteve ka bere dje Presidenti i vendit Bamir Topi. Kreu i shtetit ka kerkuar nga gjithe qytetaret qe te mesohen me “kulturen e qarkullimit rrugor”, ne menyre qe raste te ngjashme te mos perseriten me. I ndodhur ne Spitalin Ushtarak ne kryeqytet, ku pa nga afer gjendjen e te plagosurve nga aksidenti i Fushe Arrezit, Presidenti vleresoi se shteti ka bere punen e vet me ane te strukturave, por jane qytetaret ata qe duhet te sillen ne menyre me te pergjegjshme ndaj rregullave te qarkullimit rrugor. “Mos mendoni vetem diten e tragjedive te medha!. Shteti ka strukturat e veta, por cdo qytetar duhet te sillet ne menyre shume te qyteteruar!. Te mendoje per veten, te mendoje per femijet!”, tha Topi. Kreu i shtetit eshte ndalur dhe ne shifrat alarmante te vdekjeve si pasoje e aksidenteve. Ai u shpreh se kjo gje shtron nevojen per nje reflektim te thelle qytetar. “Pa dyshim qe apeli i pare i jepet cdo qytetari. Duhet ta vleresojme te gjithe, sepse jeta jepet vetem njehere. Jeta eshte shume e shtrenjte dhe per jeten duhet te kujdesemi. Dhe une mendoj qe eshte nje apel qe u shkon te gjithe drejtuesve te automjeteve, sidomos atyre qe i sherbejne publikut qe duhet te bejne patjeter nje kujdes te jashtezakonshem e te mendojne per jeten e tyre”, u shpreh kreu i shtetit ne deklaraten e tij para gazetareve, pas vizites ne Spitalin Ushtarak. Ne mesazhin e tij per drejtuesit e automjeteve kreu i shtetit ka qene dhe me i drejtperdrejte, duke u shprehur dhe per menyren sesi duhet te imponohet kjo kulture te qytetaret. “Nuk duhet pare polici rrugor si personi qe te vendos gjoben, perkundrazi. Ai duhet te shikohet si personi qe i sherben ligjit, qe u sherben qytetareve, qe i sherben atij qe i jep makines, por edhe atij qe eshte kembesor”, u shpreh kreu i shtetit, Bamir Topi. Pergjegjesia e drejtuesve te automjeteve, sipas kreut te shtetit, duhet te jete me e madhe ne sezonin veror, kur dhe qarkullimi i automjeteve dhe i njerezve eshte me i madh ne rruget kombetare. “Jemi ne kulmin e sezonit te turizmit dhe ju i keni pare rruget qe jane plot, lokalet dhe plazhet jane plot. Pra duhet bere kujdes”, keshilloi Topi. Vizita e kreut te shtetit ne Spitalin Ushtarak per te pare gjendjen e te plagosurve ishte e dyta qe nga ndodhja e aksidentit. Ai vleresoi punen e institucioneve ne perballimin e kesaj situate dhe vecanerisht perkushtimin e bluzave te bardha ne mjekimin e te plagosurve.