Topi pret Ministrin Britanik. Mekneli apel politikës shqiptare
TIRANE-Presidenti i Republikës dhe njëkohësisht Kryetari i Këshillit të Lartë Bamir Topi priti sot Ministrin e Shtetit për Drejtësinë të Mbretërisë së Bashkuar, Lordin Tom Mekneli dhe delegacionin zyrtar që e shoqëron gjatë kësaj vizite në vendin tonë.
Presidenti Topi shprehu mirënjohjen për kontributin dhe ndihmesën e vazhdueshme të Mbretërisë së Bashkuar në drejtim të përsosjes së mëtejshme të sistemit gjyqësor në Shqipëri nëpërmjet bashkëpunimit të ngushtë dhe projekteve të ndryshme në këtë fushë dhe më konkretisht projektit më të fundit për Gjykatën e Lartë.
Sic bën të ditur zyra për shtyp e Presidentit shqiptar në takimin me Topin, Ministri britanik i Shtetit për Drejtësinë, Lordi Tom Mekneli vlerësoi arritjet e bëra në Shqipëri në fushën e drejtësisë, duke theksuar nevojën e kalimit nga zotimet në vepra konkrete përsa i përket reformës në gjyqësor, si dhe vuri në dukje rolin pozitiv dhe moderator të luajtur nga Presidenti i Republikës në këtë drejtim.
Lordi Mekneli theksoi rëndësinë e bashkëpunimit mes forcave politike të të gjithë krahëve për konsolidimin e shtetit të së drejtës, institucioneve të pavarura demokratike si dhe për vazhdimin e suksesshëm të reformat jetike për vendin dhe të ardhmen e tij evropiane.
Nga ana e tij, Kreu i Shtetit të Shqipërisë bëri një panoramë të hollësishme të reformës gjyqësore dhe të ushtrimit nga KLD-ja të kompetencave kushtetuese dhe ligjore me qëllim rritjen e profesionalizmit, integritetit dhe paanshmërisë së gjyqtarëve si dhe theksoi nevojën që vullnetet politike duhet të shprehen qartë dhe në vazhdimësi për përparimin dhe zbatimin e plotë e të suksesshëm të reformës në gjyqësor. “Arritja e këtij objektivi madhor, e shoqëruar me transparencë të plotë do të rikthente besimin e qytetarëve në sistemin e drejtësisë dhe do të mundësonte edhe plotësimin e kritereve të kërkuara në funksion të përmbushjes së aspiratës së vendit tonë për anëtarësim në Bashkimin Evropian”, – vuri në dukje Presidenti Topi.
Në takim ishte i pranishëm edhe Ambasadorja e Jashtëzakonshme dhe Fuqiplote e Mbretërisë së Bashkuar në vendin tonë, Fiona Mekuilam.
(d.b/BalkanWeb)
Presidenti Topi shprehu mirënjohjen për kontributin dhe ndihmesën e vazhdueshme të Mbretërisë së Bashkuar në drejtim të përsosjes së mëtejshme të sistemit gjyqësor në Shqipëri nëpërmjet bashkëpunimit të ngushtë dhe projekteve të ndryshme në këtë fushë dhe më konkretisht projektit më të fundit për Gjykatën e Lartë.
Sic bën të ditur zyra për shtyp e Presidentit shqiptar në takimin me Topin, Ministri britanik i Shtetit për Drejtësinë, Lordi Tom Mekneli vlerësoi arritjet e bëra në Shqipëri në fushën e drejtësisë, duke theksuar nevojën e kalimit nga zotimet në vepra konkrete përsa i përket reformës në gjyqësor, si dhe vuri në dukje rolin pozitiv dhe moderator të luajtur nga Presidenti i Republikës në këtë drejtim.
Lordi Mekneli theksoi rëndësinë e bashkëpunimit mes forcave politike të të gjithë krahëve për konsolidimin e shtetit të së drejtës, institucioneve të pavarura demokratike si dhe për vazhdimin e suksesshëm të reformat jetike për vendin dhe të ardhmen e tij evropiane.
Nga ana e tij, Kreu i Shtetit të Shqipërisë bëri një panoramë të hollësishme të reformës gjyqësore dhe të ushtrimit nga KLD-ja të kompetencave kushtetuese dhe ligjore me qëllim rritjen e profesionalizmit, integritetit dhe paanshmërisë së gjyqtarëve si dhe theksoi nevojën që vullnetet politike duhet të shprehen qartë dhe në vazhdimësi për përparimin dhe zbatimin e plotë e të suksesshëm të reformës në gjyqësor. “Arritja e këtij objektivi madhor, e shoqëruar me transparencë të plotë do të rikthente besimin e qytetarëve në sistemin e drejtësisë dhe do të mundësonte edhe plotësimin e kritereve të kërkuara në funksion të përmbushjes së aspiratës së vendit tonë për anëtarësim në Bashkimin Evropian”, – vuri në dukje Presidenti Topi.
Në takim ishte i pranishëm edhe Ambasadorja e Jashtëzakonshme dhe Fuqiplote e Mbretërisë së Bashkuar në vendin tonë, Fiona Mekuilam.
(d.b/BalkanWeb)