Torresi është ringjallur
Menaxheri i përkohshëm i Chelseas, Roberto Di Matteo është i lumtur me ringjalljen e sulmuesit Fernando Torres.
Ylli spanjoll është paraqitur dukshëm më mirë prej kur Di Matteo zëvendësoi Andre Villas-Boasin në fillim të muajit mars.
“Jemi të lumtur me paraqitjet e Fernandos. Ai është futbollist shumë i mirë. Kam biseduar me të gjithë futbollistët e mi dhe jam munduar t’u jap besim. Fernando është në periudhë të mirë, por edhe të gjithë të tjerët meritojnë lëvdata”, deklaroi Di Matteo.