Kalou, lamtumirë Chelsea
Salomon Kalou është i gatshëm të refuzojë ofertën për vazhdimin e kontratës në Chelsea, për t’u transferuar te kampioni i Italisë, Milan.
Sipas të përditshmes britanike Daily Mail, sulmuesi i Bregut të Fildishtë thuhet se ka kërkuar të aktivizohet në rolin e qendërsulmuesit në mënyrë që të mbetet në Stamford Bridge.
Por, kërkesa e tij nuk është aprovuar nga drejtuesit e klubit dhe Kalou pritet të largohet nga Chelsea në fund të këtij sezoni. Milan është shprehur i interesuar për transferimin e tij në San Siro.