Totozani zgjidhet anëtar i Këshillit të AOM

Paris- Avokati i Popullit, Igli Totozani tashmë do të jetë anëtar i Këshillit Administrativ të Organizatës së Ombudsmanëve të Mesdheut.Totozani është zgjedhur në këtë post me vota unanime nga të gjitha vendet antare, ndërsa vendi ynë është pjesë e kësaj shoqate që prej vitit 2009.

Qëllimi i kësaj organizate është mbrojtja e të drejtave të njeriut në Ballkan, dhe pjesë e saj janë 28 shtete mes të cilave Spanja, Portugalia, Italia dhe Greqia, ndërsa 5 shtete janë në satatusin e vëzhguesit.

Nëpërmjet kësaj organizate synohet gjithashtu promovimi i rolit të Institucioneve të Ombudsmanëve në basenin e Mesdheut, kapërcimi i kufijve dhe dallimeve qeverisëse ndërmjet shteteve anëtare nëpërmjet shkëmbimit të eksperiencave dhe informacioneve, koordinimit dhe realizimit të aktiviteteve të përbashkëta periodike shkencore, trajnuese, ndërmjet vetë institucioneve të Ombudsmanëve etj.