Tottenham, seriozisht pas Adebayorit

Menaxheri i Tottenhamit, Harry Redknapp, ka njoftuar për interesimin e Spurs për sulmuesin e Manchester Cityt, Emmanuel Adebayor.

“Kam biseduar me udhëheqësit e klubit, është një sulmues që e dua në ekipin tim. Do të mundohemi ta formojmë një ofertë për ta pasur këtu sezonin e ardhshëm, ndoshta si huazim”, tha trajneri anglez për Skysports.

Sulmuesi togolez e kaloi gjysmën e sezonit të fundit si huazim te Real Madrid.

Edhe klubi madrilen po mendon ta blejë përfundimisht ish futbollistin e Arsenalit, i cili nuk bën pjesë në planet e menaxherit të Cityt, Roberto Mancini.