Trafik droge ne shkurret e Shkumbinit
Elbasan- Agjentet e antidroges ne Elbasan ne gjurmet e "strofkullave" te shperndaresve te droges. Pas "Rrapishtes" dhe "Rrethit te Kalase", eshte zbuluar vendtakimi i trete i trafikanteve me narkomanet kliente. Kater te rinj rane ne pranga, pas operacionit te koduar "Filter", ndersa u sekuestrua nje sasi lende narkotike hashash me peshe 3.7 kg e gjetur ne vendngjarje dhe ne banesa. Policia vendore beri me dije se goditja u be ne momentin qe te rinjte ishin takuar prane bregut te lumit Shkumbin, ku do te shkembenin parate me drogen. Te ndaluarit jane Vilson Peqini 24 vjec, Klodian Mecka 23 vjec, Genci Paja 24 vjec, dhe Leonard Paja 29 vjec, banues ne lagjen "Shenkoll" te Elbasanit. Ndaj tyre u ngriten akuzat e "prodhimit e shitjes se lendeve narkotike, ne bashkepunim".
Burime zyrtare te Policise se Elbasanit sqaruan dje per gazeten "KJ", se si rezultat i nje pune te mirefillte investigative operative, nepermjet metodave speciale te hetimit, si dhe mbi bazen e informacioneve te marra, u finalizua operacioni i koduar "Filter". Agjentet kishin nisur gjurmimin prej nje muaji, menjehere porsa kishin goditur dy rrjete te shitjes se drogave te lehta dhe te forta ne qytet, afer kalase dhe ne breg te lumit Shkumbin. Aksionet e para jane zhvilluar gjate muajit mars, ku u ndaluan edhe pese persona te dyshuar. Menjehere oficeret jane vene ne ndjekje te kater shokeve te dyshuar, qe mbremjen e se dieles kishin lene nje takim prane bregut te lumit. "Ne lagjen "Shenkoll" te Elbasanit, ne afersi te lumit Shkumbin, kater te dyshuarve u eshte kapur nje sasi lende narkotike, kurse gjate kontrollit te baneses se Genci Paja, u gjet dhe sekuestrua nje sasi tjeter droge e llojit kanabis sativa, me peshe te pergjithshme 3 kg e 700 grame", bene te ditur burime zyrtare. Pas marrjes ne pyetje te te rinjve, materialet i kaluan prokurorise, per veprime te metejshme per "prodhim dhe shitje e narkotikeve".
Te arrestuar:
Vilson Peqini 24-vjec, "Shenkoll", Elbasan
Klodian Mecka 23-vjec, "Shenkoll", Elbasan
Genci Paja 24 vjec, "Shenkoll", Elbasan
Leonard Paja 29 vjec, "Shenkoll", Elbasan
Sekuestruar:
3 kilograme e 700 grame droge hashash
Akuza:
"Prodhim e shitje e narkotikeve, ne bashkepunim"