Trafiku i kokaines, merren 30 vjet burgim

Tirane- Gjykata e Krimeve te Renda shpalli fajtore dhe denoi me 30 vjet burg tre te pandehur, te akuzuar per trafik te lendeve narkotike nga vendi yne ne drejtim te Greqise. Keshtu togat e zeza kane denuar me nga 10 vjet secilin nga te pandehurit; Aurora Lico, studente e Fakultetit te Mjekesise, si dhe dy te afermit, Ilia Naslazi 46 vjec, i njohur edhe si Arben Naslazi dhe Pandush Naslazi, qe perdorte edhe emrin Fredi Naslazi. Tre te pandehurit kane perfituar ulje denimi, per arsye se jane gjykuar me gjykimin te shkurtuar ashtu sic ishin aktet e paraqitura nga Prokuroria e Krimeve te Renda. Gjate deklarimeve te dhena perpara oficereve te Policise Gjyqesore studentja e Mjekesise, ka mohuar se kishte dijeni per drogen qe ndodhej ne canten e dore se saj, gjate momentit te udhetimit. Sipas deklarimeve te saj ajo ka qene duke shkuar ne Athine tek te afermit, per pushime. Por per akuzen, vajza kishte kryer edhe here te tjera trafik te lendeve narkotike. Ngjarja per te cilen u denuan tre te pandehurit ka ndodhur me daten 26 tetor te vitit te kaluar, ku rreth ores 21:00, ne Kapshtice ka hyre nje autoveture tip "Benz", taksi. Nga kontrolli fizik i mjeti,t nuk eshte konstatuar ndonje gje e dyshimte, por duket se te dhenat ne rruge operative kishin zbuluar udhetimin misterioz te studentes se Mjekesise. Sipas hetimeve te akuzes, vajza 22-vjecare eshte pyetur nga ana e kontrolloreve, ku edhe kishte deklaruar se udhetonte drejt Athines per shkaqe familjare dhe se ndiqte studimet ne Tirane per degen Mjekesi, viti i dyte. Pas nje kontrolli te ushtuar ne sendet e saj personale, policet kane zbuluar nje qese te dyshimte te maskuar me parfumet si dhe kutite e tualetit qe kishte vendosur studentja. Pas nje kontrolli te ushtruar ne keto sende, policia kufitare ka zbuluar nje lende me ngjyre te bardhe, e ngjashme me kokainen. Kane qene efektivat e Antidroges ata qe zbuluan se lenda qe kishte ne cante e reja ishte droge, e llojit kokaine dhe e nje cilesie te paster. Pas transkriptimit te telefonatave te kryera nga numri i Licos, u arrit ne perfundimin se dy furnitoret e vajzes ishin te pandehurit Pandush dhe Ilia Naslazi. Tre te pandehurit u denuan per vepren penale te "trafikimit nderkombetar te lendeve narkotike" kryer ne bashkepunim.

R.Caushaj