Tragjedi ajrore në Turqi, dy të vdekur nga përplasja e balonave (VIDEO)

Turqi- Dy turistë janë vrarë dhe më shumë se 20 persona të tjerë janë plagosur pasi balona me ajër të nxehtë u përplasë në Turqi, një zyrtar lokal i tha BBC-së.

Balona goditi shportë e tjetrës dhe pastaj ra në Tokë, thanë dëshmitarët.

Aksidenti ka ndodhur në Kapadokia, vend popullor për turistët që ndjekin formacionet spektakolare.

Sipas BBC-së të paktën njëra prej viktima është raportuar të jetë një shtetase braziliane.

Agjencia e aviacionit civil të Turqisë thotë se ka nisur një hetim mbi ngjarjen dramatike.

Në vitin 2009, një turist britanik u vra dhe nëntë persona të tjerë u plagosën në një përplasje balonash.

Një turist amerikan, i cili pa aksidentin e së hënës, tha se ai ishte në bordin e një prej rreth 100 balonave që u ngritën në qiell herët në mëngjes.

“Ajo ishte ndoshta 300 m në ajër dhe ajo zbriti me shpejtësi gjithnjë drejt tokës”,-tha E Wayne Ross për ‘Associated Press’ nëpërmjet telefonit.

Pasagjerët në bord ishin kryesisht turistë nga Brazili, Argjentina dhe Spanja, sipas Abdurrahman Savas, guvernator i provincës Nevsehir, i cili vizitoi të plagosurit në spital.

Ai njoftoi se një person i dytë kishte vdekur, pasi raportet e mëparshme, thanë se një burrë brazilian ishte vrarë në incident.

Shumë nga të plagosurit u raportuan me kocka të thyera.

Aksidenti ndjek një të ngjashëm që ndodhi në muajin shkurt, kur një balonë u përfshi nga zjarri dhe u rrëzua në Egjipt, duke vrarë 19 turistë.

Dorina Bilbili/IDEA/