Tragjedi bardhezi, 2 tifoze vdesin

Nje autobus i nisur nga Zvicra me tifoze per te ndjekur ndeshjen Juventus-Real Madrid, eshte aksidentuar ne luginen Gran San Bernardo, prane kufirit italian me shtetin helvet, ku kane humbur jeten 2 persona.

Tragjedi ne radhet e tifozeve te Juventusit. Nje autobus i nisur nga Zvicra me tifoze per te ndjekur ndeshjen Juventus-Real Madrid, eshte aksidentuar ne luginen Gran San Bernardo, prane kufirit italian me shtetin helvet, ku kane humbur jeten 2 persona.

Nderkohe, mesohet se numri i te plagosurve eshte rreth 30, disa prej te cileve ne rrezik per jeten. “Qe ne kthesat e para te dishezes e kuptuam se shoferi po ecte me shpejtesi dhe nuk i njihte mire kthesat. Me pas erdhi perplasja”, ka rrefyer per agjencine italiane te lajmeve, Ansa, nje prej pasagjereve te mbijetuar.

Shumica e tifozeve juventine ishin nisur nga qyteti i Neuchatel ku jeton nje pjese e madhe e komunitetit italian.