Tragjedia e Fratarit shtyhet seanca e mases per shoferin
Gjykata e Fierit ka shtyre dje seancen per vendosjen e mases se sigurise ndaj shoferit grek Tomas Tsogas i akuzuar si shkaktar i aksidentit te rende qe ndodhi mbremjen e se henes prane Fratarit ne Fier. 60 vjecari nga Greqia ka kerkuar qe krahas avokatit shqiptar qe mbron interesat e tij te mbrohet edhe nga nje avokat grek. Kjo ka qene arsyeja qe gjykata ka vendosur shtyrjen e seances per masen e sigurise. Policia e shtetit beri te ditur se shkak i aksidentit te rende ku humben jeten 9 persona ishte nje gabim njerezor. Mungesa e vemendjes nga ana e shtetasit grek ka cuar ne humbjen e kontrollit te automjetit dhe per pasoje autobusi qe ishte nisur drejt Greqise ka dale nga rruga duke rene nga 100 m lartesi. Kontrolli autoteknik zbuloi se nuk ka pasur defekt ne sistemin e frenimit se autobusi levizte brenda shpejtesise se lejuar ndersa sipas policise drejtuesi i mjetit nuk ka qene i dehur. Ne kete menyre u arrit ne perfundimin se humbja e kontrollit ka qene shkaku i aksidentit. Shtetasi grek Tomas Tsogas ndodhet ende ne spitalin e Fierit por ruhet nga forcat e policise pasi Prokuroria ka prere urdher-arrestin ndaj tij. Nderkaq ne spitalin e Fierit ndodhen ende 10 nga te plagosurit e aksidentit te rende. Sipas mjekeve gjendja e tyre eshte jashte rrezikut per jeten. Autobusi i linjes Durres-Athine qe drejtohej nga shoferi grek Tomas Tsogas doli nga rruga rreth ores 20.30 minuta te se henes ne afersi te Fratarit duke rene ne humnere per rreth 100 metra. Autobusi me targa greke qe udhetonte ne drejtim te Athines ka dale nga rruga 4 kilometra nga Fratari dhe pas kater rrotullimesh prej te cilave dy pasagjere jane nxjerre nga xhamat e thyer ka ndaluar ne fund te gremines. Te mbijetuarit e tragjedise se te henes ne mbremje ne Fratar jane te bindur se faji per ate qe ndodhi eshte i drejtuesit te mjetit. Tre prej personave qe i mbijetuan aksidentit thane per standard se shoferi nuk u ishte dukur ne rregull dhe se i kishte dhene gjate gjithe kohes ne menyre te keqe mjetit.
Nderkohe u zhvilluan dje permes ceremonish te vecanta ceremonite mortore te percjelljes per ne banesen e fundit te viktimave te cilat humben jeten para 3 ditesh ne aksidentin tragjik te ndodhur ne aksin Fier-Tepelene. Vete kryeministri Berisha konfirmoi dje permes nje prononcimi publik se qeveria do te ndermarre persiper te gjitha shpenzimet e funeraleve te ndjereve qe u ndane nga te dashurit e tyre mbremjen e pardjeshme ne afersi te fshatit Fratar ne Fier. Nga ky aksident i rende qe tronditi gjithe shqiptaret humben jeten 9 persona ndersa u lenduan 41 te tjere mes te cileve edhe disa ne gjendje te rende per jeten.