Tragjedia e Llogarase, perkujtohet 20 vjetori

Llogara- Perkujtohet 20 vjetori i tragjedise se Llogarase, ku humben jeten ne dy ngjarje te ndryshme brenda dites 20 persona, pjesa me e madhe e te cileve studente. Dje eshte vendosur edhe pllaka perkujtimore, ne nderim te viktimave te kesaj tragjedie, emrat e te cileve kane qene te skalitur ne kete pllake. Te pranishem ne ceremoni kane qene te aferm te viktimave, kolege, ushtarake, si dhe perfaqesues nga Ministria e Mbrojtjes. Rreth ores 12:00 eshte zbuluar pllakata, e cila mbante emrat e te gjithe viktimave qe humben jeten ne kete aksident tragjik, ndersa perkrah kesaj pllakate mermeri gjendej nje tjeter pllake e tejdukshme, e cila kishte te gdhendur nje helikopter. Te pranishmit kane vendosur lule dhe kurora ne vendin e quajtur "Qafa e Llogarase", qe njihet si nje nga pikat me te rrezikshme per shoferet dhe udhetaret. Gjate ceremonise fjalen e ka mbajtur dhe shefi i Shtabit te Pergjithshem te Ushtrise, Maksim Malaj, i cili ka vleresuar pilotet dhe mjeket qe moren pjese ne ate operacion te veshtire per shpetimin e studenteve, pavaresisht kushteve atmosferike, per shkak te te cilave humben dhe jeten. Te pranishmit qendruan per me shume se gjysme ore ne aksin rrugor Vlore-Himare, ku u bllokua dhe levizja e automjeteve ne te dy krahet. Pjesa me e madhe e te pranishmeve mberriten me mjete te vendosura ne dispozicion prej Ministrise se Mbrojtjes.

Viktimat e tragjedise

Viktimat ne autobus :

Ali Omuri, shoferi i autobusit

Albert Smoka, student

Viktimat e helikopterit :

Vangjel Postoli, komandant

Tafil Agaj, pilot

Pandeli Xhumba, mekanik

Misto Shumeli, i plagosur

Elida Hyseni, e plagosur

Donika Ferra, e plagosur

Zef Sula, i plagosur

Kujtim Hysi, mjek

Zana Floqi, mjeke

Dhurata Leka, ndihmesmjeke

Nafail Metollari, mjek ne Himare

Piro Kuko, ndihmesmjek ne Himare

Agron Galanxhi, komandant

Veledin Resuli, pilot

Enver Haka, mekanik

Thoma Plasa, i plagosur

Ilirjana Brahimi, e plagosur

Taip Llaci, i plagosur

Xhelal Ndreu, i plagosur

Agim Qarri, mjek

Dionis Makoci, mjek