Tragjedia, inxhinieret: Gabimi te kendi i germimeve

Inxhinieret e Sherbimit Gjeologjik Shqiptar thone se studimet qe futen ne dosjet e lejeve te ndertimit jane fiktive.

“Duhet te ishin marre masa mbrojtese qe te mos kishim shembje te dheut, sepse nuk kemi te bejme me shume me nje rreshqitje, se sa me nje shembje. Gjithashtu, kishim nje reliev me kend 80 grade. Aty do te ndertohej shume mire nese do te ishin marre masat. Nga ana tjeter, shteti duhet te beje kontrollet gjeologjike-inxhinierike”, shprehet inxhinieri Fadil Callufi.

Inxhinier Callufi thote se Sherbimi Gjeologjik Shqiptar prej kohesh ka kerkuar te kete ne kompetence kontrollin e studimeve qe behen privatisht. Por deri tani kerkesa e tyre eshte shperfillur, ndonese raste si Gjirokastra tregojne se problemet ekzistojne, madje edhe ne vepra publike.

“Keto 18 vite demokraci, kontrolli teknik i studimeve gjeologjike-inxhinierike ka marre fund. Ne qe punojme ne kete sektor dijme qe ka edhe raste te tjera qe keto studime nuk kontrollohen. Per bashkine, keto studime jane thjesht juridike”, shton Callufi.

Ky sherbim po perpilon harten e rreziqeve per cdo qytet, nderkohe qe per Gjirokastren ajo kishte perfunduar dhe perfshinte edhe kete zone. Callufi deklaron se ka neglizhence nga organet vendore per te bashkepunuar me kete institucion.