Trajkoviq: Kthimi i ushtrisë serbe, i pamundur

Rada Trajkovic, deputete në Kuvendin e Kosovës ka deklaruar sot se beson që në Serbi të gjithë janë të vetëdijshëm për seriozitetin që kërkon situata në Kosovë dhe se nuk pret porosi hetuese nga Beogradi, por konsensus të kryetari dhe kryeministrit të Serbisë. Ajo ka thënë, gjithashtu se të gjithë në Serbi e dinë që kthimi i ushtrisë serbe në Kosovë, është i pamundur.

“Pres që të gjithë bashkërisht të shfrytëzojmë momentin i cili nënkupton hartim të strategjisë për mbetje të serbëve në Kosovë. Mirë do të ishte sikur në të gjithë bashkërisht do ta hartonim këtë strategji e cila do të mundësonte stabilizim të veriut të Kosovës dhe zvogëlim të forcave të NATO-s”, ka thënë Trajkovic për mediet serbe.

Ajo ka thënë se ka informacione se këto ditë në Prishtinë ka qëndruar “kreu i NATO-s” dhe se ky ka qenë rasti për marrëveshje dhe strategji të rregullimit të veriut të Kosovës. “Ata do të kërkojnë zgjidhjen e tyre, e nëse ne nuk kemi kundërpërgjigje, kjo do të na bie në kokë. Llogaris që kryetari dhe kryeministri do të kenë konsensus për të gjithë çështjet pasi e dinë që kthimi i ushtrisë serbë në Kosovë është i pamundur, përveç nëse ajo bëhet pjesë e NATO-s”, ka thënë Trajokoviq.