Transferimi i studimeve,ja 300 kuotat në UT
Rektorati i Universiteit të Tiranës publikon kuotat për transferimin e studimeve. Janë rreth 300 studentë që mund të përfitojnë prej tyre, duke kaluar nga një shkollë e lartë në rrethe në kryeqytet. Fituesit pritet të shpallen të hënën. Ndërkaq po dje, Ministria e Arsimit bëri me dije se Rumania ka shpallur programin e bursave të Doktoratës dhe Postdoktoratës "Eugen Ionescu", për vitin akademik 2010-2011. Ai i adresohet gjithë të interesuarve. Bursat akordohen nëpërmjet Ministrisë së Punëve të Jashtme të Rumanisë (www.mae.ro) dhe administrohen nga Agjencia Universitare e Frankofonisë (www.auf.org/regions/europe-orientale). Kohëzgjatja e bursës së studimit varion nga 3 deri në 5 muaj, duke filluar në datën 1 prill 2010. Secili kandidat i interesuar duhet të marrë kontakt me një nga 22 universitetet rumune, pasi të jetë pranuar nga njeri prej tyre duhet të dorëzojë dosjen personale pranë zyrës rajonale të Agjencisë Universitare të Frankofonisë (AUF), së cilës i përket universiteti ku ka aplikuar. Afati i fundit për dorëzimin e dokumenteve pranë zyrës rajonale për Evropën Qëndrore dhe Lindore të AUF-së është data 11 dhjetor 2009. Për çdo informacion tjetër mund të merrni në numrat e telefonit 2230197.
KUOTAT PER TRANSFERIM
Dega Kuotat
Histori 2
Gjeografi 3
Gjuhë-Letërsi 4
Gazetari 6
Anglisht 10
Frëngjisht 2
Italisht 2
Gjermanisht 5
Matematikë 10
Fizikë 10
Inxhinieri Matematike dhe Informatike 10
Biologji 2
Kimi 1
Informatikë 6
Punë Sociale 2
Filozofi 1
Sociologji 1
Psikologji 7
Shkenca Politike 9
Drejtësi 90
Mjekësi 10
Stomatologji 15
Farmaci 10
Infermieri e Përgjithshme 22
Mami (Infermieri) 5
Fizioterapi 3
Imazheri 2
Administrim-Biznesi 22
Ekonomiks 3
Financë Kontabilitet 22
Administrim Biznesi (Turizëm) Sarandë 3
Gjithsej 300