Trazirat ne Jemen presidenti jep doreheqjen
President i Jemenit, Ali Abdullah Saleh pranoi të japë dorëheqjen sipas një plani 30-ditor të tranzitimit të pushtetit, që synon t’i japë fund trazirave të dhunshme kundër regjimit të tij 32-vjeçar. Zyrtarë në kryeqytetin jemenit, Sanaa konfirmuan se qeveria pranoi planin e paraqitur nga vendet e gjirit arabik.
Saleh do të dorëzojë pushtetin pas një muaji në duart e zëvendësit të tij, që nga momenti i nënshkrimit të marrëveshjes me opozitën, e cila i garanton atij imunitet ndaj ndjekjes penale. Të paktën 120 njerëz kanë vdekur gjatë dy muajve të protestave që kërkonin largimin e Saleh nga pushteti.
Shtetet e Bashkuara kanë mirëpritur vendimin. Me anë të një deklarate, Shtëpia e Bardhë i ka bërë thirrje të gjitha palëve për një zbatim të shpejtë të transferimit paqësor të pushtetit. Lideri i opozitës, Yassin Noman citohet nga agjencia Reuters të ketë thënë se e ka mirëpritur gjithashtu, lajmin e kalimit të pushtetit, por ai vetë nuk do të merrte pjesë në qeverinë e propozuar të Unitetit Kombëtar.
Opozita ka këmbëngulur më parë që Saleh dhe familja e tij të mos merrnin imunitet nga hetimet. Kur Saleh të lërë pushtetin pas një muaji, do të jetë lideri i tretë arab që humbet pushtetin, pas atij të Tunizisë dhe Egjiptit, për shkak të trazirave popullore gjatë këtij viti.
Juli Prifti
Saleh do të dorëzojë pushtetin pas një muaji në duart e zëvendësit të tij, që nga momenti i nënshkrimit të marrëveshjes me opozitën, e cila i garanton atij imunitet ndaj ndjekjes penale. Të paktën 120 njerëz kanë vdekur gjatë dy muajve të protestave që kërkonin largimin e Saleh nga pushteti.
Shtetet e Bashkuara kanë mirëpritur vendimin. Me anë të një deklarate, Shtëpia e Bardhë i ka bërë thirrje të gjitha palëve për një zbatim të shpejtë të transferimit paqësor të pushtetit. Lideri i opozitës, Yassin Noman citohet nga agjencia Reuters të ketë thënë se e ka mirëpritur gjithashtu, lajmin e kalimit të pushtetit, por ai vetë nuk do të merrte pjesë në qeverinë e propozuar të Unitetit Kombëtar.
Opozita ka këmbëngulur më parë që Saleh dhe familja e tij të mos merrnin imunitet nga hetimet. Kur Saleh të lërë pushtetin pas një muaji, do të jetë lideri i tretë arab që humbet pushtetin, pas atij të Tunizisë dhe Egjiptit, për shkak të trazirave popullore gjatë këtij viti.
Juli Prifti