Trefishohet fondi i shpëtimit të euros

Sipas ministrave të financave të Eurozonës, forca goditëse e fondit për shpëtimin e euros EFSF do të trefishohet, madje mund edhe të pesëfishohet. Ky vendim është marrë nga ministrat e financave në Bruksel sipas të dhënave të shefit të eurogrupit Jean-Claude Juncker.

Kjo do të thotë që fondi i krizës mund t`u garantojë investuesve privatë 20 deri 30 për qind të shumës së investuar në projekte shtetërore.
 

Më parë ministrat e financave të shteteve të euros patën miratuar këstin e radhës të kredive ndërkombëtare të urgjencës për Greqinë në vlerë prej tetë miliardë eurosh. 5.8 miliardë euro janë nga programi i vjetër i ndihmës për Athinën nga vitit 2010, mbetja vjen nga Fondi Monetar Ndërkombëtar.
 

Pa këstin e gjashtë Greqia do të ishte e falimentuar në fillim të dhjetorit.