Tregtaret, proteste per kushtet para bashkise

Rreth 340 shites ne tregun industrial te qytetit kane protestuar paraditen e djeshme perpara Bashkise se qytetit te Kavajes. Tregtaret nuk kane shkuar ne pune, por kane bllokuar deren e bashkise ne shenje proteste ndaj rritjes se tarifes mujore qe paguajne ne tregun privat. Te gjithe tregtaret jane detyruar te paguajne secili nje shume prej 1000 leke te reja shtese ne krahasim me taksen qe paguanin me pare. Ata kane deklaruar se pagesa e tyre behet paradhenie cdo date 2 te muajit dhe kete radhe, per muajin maj, pronaret e tregut iu kane marre nga 1000 leke me shume, duke u justifikuar se ka qene bashkia qe iu ka rritur tatimin. Ne bashki jane futur 5 perfaqesues te tregtareve dhe pas nje bisede prej nje ore me kryetarin e bashkise, Refik Rugija, kane vendosur qe te bojkotojne punen edhe per dy dite te tjera. Tregtaret thane se kryebashkiaku i ka sqaruar se tarifat nuk i ka vendosur pushteti vendor, por pronari privat i tregut. “Megjithate, ne votuam per Rugijen pas premtimit se do te ndertonte nje treg publik per qytetin. Ai nuk e ka mbajtur fjalen e dhene para zgjedhesve dhe ne e konsiderojme pergjegjes per kete situate”, thane perfaqesues te tregtareve. Tregtaret kane denoncuar edhe gjendjen e tregut ku ata shesin cdo dite, i cili nuk ka kushte minimale, madje as banja qe duhet te jete e domosdoshme per 340 vete qe punojne cdo dite ne kete vend.

K.J