"Tregu Medresese", 3 ne pranga per kontrabande

Tirane- Kontrabanda e mallrave firmato nga Greqia dhe shitja e tyre ne tregun kryeqytetas ka vene ne pranga tre persona. Operacioni u kodua "Tregu Medresese" dhe u realizua nga strukturat e hetimit te krimit, te sektorit Kunder Krimit Financiar ne Policine e Tiranes. Ne pranga te policise kane rene shtetasit Oligert Jakupi, 30 vjec, lindur dhe banues ne Korce, Adriatik Kollona, 37 vjec, lindur ne Korce dhe banues ne Tirane si dhe Ilir Rrapaj, 37 vjec, lindur ne Tepelene dhe banues ne Fier. Policia e Tiranes pas informacioneve te mberritura ne rruge operative ka arritur te zbuloje nje sasi te konsiderueshme malli kontrabande. Sipas burimeve, malli vinte nga vendi grek dhe futej ne vendin tone ne saje te pikes kufitare te Kapshtices. Po dje, ata kane qene duke udhetuar me nje makine te tipit kamion me traga VL 6434 C nga pika doganore e Kapshtices per ne kryeqytet. Gjate kontrollit te mjetit eshte arritur te zbulohet malli kontrabande i cili ishte kryesisht bluza, pantallona, pallto etj. Keshtu ne cilesine e proves materiale policia arritur te sekuestroje 900 lloje te ndryshme bluza, 450 pellusha, 800 pallto firmato, 200 pale kostume sportive, 300 cope xhaketa, 700 lloje xhupa dimerore si dhe 300 cope kostume per meshkuj dhe femra. Nga hetimet ka rezultuar se malli kontrabande shitej ne tregun kryeqytetas kundrejt cmimeve nga me te ndryshme. Mbi Jakupin, Kollona dhe Rrapaj rendojne akuza e "kontrabandes me mallra te tjera", "tregtimi dhe transportimi i mallrave qe jane kontrabande","ruajtja apo depozitimi i mallrave kontrabande", vepra keto penale te kryera ne bashkepunim. Materialet hetimore i kane kaluar per hetime te metejshme Prokurorise se Rrethit Gjyqesor Tirane. Mesohet se hetimet kane nisur edhe per zbulimin e bashkepunetoreve te tjere, te perfshire ne kete veprimtari kriminale. R.Caushaj

Sekuestrimet

900 lloje te ndryshme bluza,

450 pellusha,

800 pallto firmato,

200 pale kostume sportive,

300 cope xhaketa,

700 lloje xhupa dimerore,

300 cope kostume per meshkuj dhe femra

Operacioni eshte koduar nga policia "Tregu Medrese" duke marre shkak se kjo sasi malli do te shitej nga tre te arrestuarit ne kete treg. Malli ishte i gjithe firmato dhe arrinte nje vlere te konsiderueshme te hollash.