Tregu i pesticideve i pakontrolluar

Sasi të mëdha pesticidesh importohendo vit në Shqipëri për fermerët. Në disa raste tregtarët kanë tentuar të abuzojnë me cilësinë e tyre, çka do të sillte pasoja për konsumatorët dhe fermerët. Sipas autoriteteve përkatëse janë mbi 300 lloje pesticidesh që importohen çdo vit.

Kristaq Nicaj, përgjegjës i sektorit të mbrojtjes së bimëve thotë se: “Në të gjithë vendin janë mbi 300 pika të shitjes me pakicë, dhe rreth 20 importues të rregullt, çka bën të vështirë kontrollin e këtij tregu”. Në sektorin e mbrojtjes së bimëve bëjnë të ditur se ka pasur raste kur tregtarët kanë abuzuar me cilësinë e pesticideve, por ata janë bllokuar dhe lëndët e rrezikshme nuk janë lejuar që të shiten.

Kryesisht importet e pesticideve vijnë nga Italia Gjermani, dhe vendet fqinjë. Në Shqipëri prodhohen shumë pak prej tyre, dhe më së shumti në mënyrë artizanale, duke përzier kimikate të ndryshme.