Treguesit fiskale, pushteti vendor po mbledh me pak para Eglantina Nasi

Pushteti vendor, rezulton te kete mbledhur me pak para gjate muajve te pare te vitit 2013, nga fondi total i percaktuar rreth tij ne buxhetin e shtetit. Kete e konfirmojne treguesit fiskale te referuar nga ministria e Financave, rreth ecurise 5 apo edhe 6-mujore te tyre. Keshtu, nga te dhenat paraprake per periudhen janar-qershor 2013, konstatohet se nga 6.4 miliarde leke qe ishin planifikuar ne fillim te vitit te derdheshin ne arken e buxhetit te shtetit prej autoriteteve vendore, ata kane mundur te sigurojne vetem 5.4 miliarde te tilla. Dukuri kjo e vene re ne fakt edhe gjate periudhes pararendese janar-maj 2013, kur nga autoritetet vendore rezultuan vetem 5 miliarde leke te siguruara, kur plani i parashikuar rreth tyre ne total per kete hark kohor, ishte saktesisht ne nivelin prej 5.6 miliarde lekesh. Dhe duke shenuar keshtu, nje renie prej -10.8%, ose ne vlere monetare prej -613 milione lekesh. Ku duket se per krijimin e saj kane ndikuar ulja e te ardhurave perkatesisht ne zera te tille, si mbledhja e takses per pasurine (ndertesat), saktesisht -68 milione leke me pak, ose 4.8%; apo takses per biznesin e vogel me nje diference prej -12.% ose 121 milione leke ne total dhe takses lokale. Teksa kjo e fundit figuron te jete edhe me e pambledhura nese do te mund te shpreheshim keshtu per 5-mujorin e ketij viti, deri ne nivelin prej -20%, ose ndryshe -66 milione leke ne vlere monetare. Kujtojme se jane pikerisht keto tre taksa kryesore, ajo mbi pasurine, mbi biznesin e vogel dhe ajo lokale, qe i kane caktuar pushtetit vendor t’i mbledhe ato dhe t’i dorezoje ndaj pushtetit qendror per arken e buxhetit te shtetit. Nderkohe, ne teresine e tyre, treguesit fiskale te periudhes janar-qershor 2013, flasin per nje sigurim te ardhurash ne buxhetin e shtetit prej 153.3 miliarde lekesh. Tregues ky qe per periudhen pararendese, janar-maj 2013, ka qene ne nivelin prej 132.8 miliarde lekesh.