Triumfi i Spanjës: Ekipi më i mirë i të gjitha kohërave
Shtypi
Gazetat ndërkombëtare nderojnë futbollin djemve të Del Boskes
Për italianët zhgënjim dhe lot, ndërsa në Spanjë vetëm gëzim. Rrjedhë logjike pas finales së Kievit. Shtypi spanjoll (jo vetëm ai sportiv) celebron fitoren e titullit të tretë dhe tripletën historike me tone triumfale. Faqja e parë e Sport thekson Tricampeones. AS shkon më larg: Kampionë. Skuadra më e mirë e historisë, sepse Spanja është e vetmja që vuri duart në dy tituj Europianë dhe një Botëror në harkun e 4 viteve. Prandaj, për Marca-n është thjesht Spanja dhe askush tjetër. El Mundo Deportivo zgjedh një fjalë elokuente historike me germa të mëdha. Imazhi i Kasijas që ngre kupën, dominon edhe faqen e El Pais: Spanja fiton koronën e trefishtë.
Fitore e madhe Por nuk limitohen me festën e tripletës dhe rekordin e titujve europianë (3 sa Gjermania). Theksojnë gjithashtu edhe fitoren me goleadë të një skuadre që, sipas Marca-s, ka hyrë në legjendë. Ndërsa AS celebron fitoren ndaj Italisë si paraqitja më e mirë në historinë e finaleve. Spanja turpëron Italinë me një futboll të bukur, shkruhet në faqen e parë, ndërsa analizat e brendshme rrisin dozën: Fitore totale, shkatërruese. Spanja shqyen axurrët me një stil loje thjesht të paimitueshëm. Në kolonat e AS, vetëm një varg elozhesh për një skuadër të pjekur, me një shumëllojshmëri të tmerrshme burimesh, e shkëlqyer, faktikisht e zgjuar, plot talente dhe, mbi të gjitha, e mallkuar për të fituar.
Heronjtë Nëse katalanasja Sport nënvizon ekzibicionin Made in Barça, heronjtë e tripletës janë San Kasiljas që ka thyer rekordin e pathyeshmërisë së Zof (nga 494 minutë në 510), i mbinatyrshmi Iniesta, i zgjedhur lojtari më i mirë dhe tashmë kandidati kryesor për Topin e Artë, deri te El Nino Torres, golashënuesi me 3 gola. Rrebesh elozhesh edhe për Ksavin, arkitektin e vërtetë të një vepre arti, një lojtar legjendar, që numëron 23 tituj personalë në karrierë. Merita i jepen skuadrës së Del Boskes, një gjeneratë fenomenesh, që kanë demonstruar se janë një utopi edhe për kombëtaren e revolucionarizuar të Prandelit, më ofensiven që është parë ndonjëherë, sipas Marca-s.
Shtypi francez Në Francë L’Equipe titullon faqen e parë me një “Gracias”. E përditshmja sportive falënderon kështu mitin e futbollit spanjoll, futbollit kolektiv që dominon botën, duke tronditur Italinë. Një moment historik, i cili nuk të mërzit kurrë. Le Parisien i bën homazh “skuadrës më të bukur të historisë, që ka ofruar një shou, duke shkatërruar Italinë. Ndërsa për Le Figaro, Italia thjesht përfundoi në “centrifugën” spanjolle.
Shtypi gjerman Në shtypin gjerman, Bild titullon: Lumturi! Spanja fiton finalen e tiki takas. B.Z.: Tripleta! Spanja i gëzohet festës së titujve; Die Welt: “Mrekullia e futbollit; F.A.Z.: “Magji Spanjolle; T.Z.: “Campeones”; Pak më e komplikuar Süddeutsche Zeitung: “Aller gute dinge”, që fillon me një proverb, që do të thotë Gjithë gjërat e mira janë tre.
Shtypi anglez Its Spain Again!, titullon Daily Star, që pasohet nga Sun me Threeva Espana! për të treguar triumfin e trefishtë spanjoll. Mirror e përmbledh gjithçka në outstanding (të mrekullueshëm) që shtjellohet me lojtarët që çuan futbollin në një dimension tjetër, ku klasi i Andrea Pirlo dhe zemra e shokëve të tij nuk vlenin fare. Telegraph kapet me Balotelin, që në finale, bëri atë që bën shpesh: të transformohet nga Super Mario në Stupid Mario. Gjithçka sepse dëshironte të qëndronte në fushë edhe pas fërshëllimës finale.
Detaji i fotos së vogël
Marca & AS - Sipas Marca-s, Spanja ka hyrë në legjendë. AS celebron fitoren ndaj Italisë, si paraqitja më e mirë në historinë e finaleve
Francë - L’Equipe titullon “Gracias”. Ajo falënderon kështu mitin e futbollit spanjoll, futbollin kolektiv që dominon botën, duke tronditur Italinë
Gjermani - Në shtypin gjerman, Bild titullon: Lumturi! Spanja fiton finalen e tiki takas. Ndërsa Die Welt: “Mrekullia e futbollit
Angli - Lojtarët spanjollë kanë çuar futbollin në një dimension tjetër, ku klasi i Andrea Pirlos dhe zemra e shokëve të tij nuk vlenin fare
Komentet
Të përditshmet - Gazetat iberike celebrojnë triumfin e Kievit, duke lartësuar “goleadën historike kundër Italisë. Spanja turpëron Italinë dhe hyn në histori
Botërori 2014 - Ajo që është me të vërtetë sensacionale, ka të bëjë me faktin se Spanja shikon drejt Brazil 2014 dhe kush mund të thotë që nuk mund ta fitojë
Loja - Loja e saj nuk ka asgjë për ti pasur zili Brazilit të 70-s, teknikisht kalon Holandën e Krujfit dhe është më efikase se Gjermania e Bekenbauer
Vitrina
3 trofe - Spanja aktuale është kombëtarja më e mirë e historisë. Asnjë tjetër si ajo, asnjë nuk ka fituar radhazi dy Europianë dhe një Kupë Bote
Del Boske - Del Boske bëhet trajneri më fitues në botë, pasi tani ka gjithçka në vitrinën e tij: Europianin, Botërorin, Champions-in e Kupën Interkontinentale
233 trofe - Pas triumfit në finale nr. 23, djemtë e Del Boskes numërojnë në total 233 trofe të fituar. Po, e keni kuptuar mirë, nuk është gabim, 233 trofe të fituar
Statistikat
Të mëdhenjtë e historisë, faktet flasin për Spanjën
Rekordi spanjoll konfirmohet edhe nga statistikat: Spanja është një legjendë, legjenda është realitet. Bashkë me titullin në Euro 2012, Spanja e Visente Del Boske ka fituar pavdekësinë në histori. Ka nga ata që preferojnë Brazilin atraktiv të viteve 70 me mbretin Pele, ka nga ata që votojnë për Gjermaninë efikase të Bekenbauer, ka madje edhe nga ata që më e mira është Franca e Zinedin Zidane. Çështje gustosh. Për ata që u referohen fakteve nuk ka dyshime. Spanja aktuale është kombëtarja më e mirë e historisë. Asnjë tjetër si ajo, asnjë nuk ka fituar radhazi dy Europianë dhe një Kupë Bote. Nuk është e mundur të krahasohen dy skuadra të epokave të ndryshme, dhe aq më pak mund të ekzaminohet me saktësi nëse një futbollist në aktivitet është më i mirë apo më legjendar se një tjetër që ka luajtur 40 vjet më parë. Debat i vështirë për tu zgjidhur. Gjithsesi pak mund të imagjinojnë një kombëtare që ka fituar më shumë se La Roha. Tre titujt me Aragones në 2008-n, me më pas me Del Bosquen në Afrikën e Jugut dhe së fundmi në Kiev, e bëjnë Spanjën një kombëtare të pakrahasueshme me asnjë tjetër. Gjermania e Bekenbauer apo Franca e Zidane ishin një hap larg shpërthimit të të kuqve, por nuk arritën tris-in absolut të suksesit. Diskutimi ka shpërthyer në rrjetet sociale, në Twitter. Një sondazh i kryer nga FIFA jep rezultate shumë domethënëse, mbi 70 për qind e të anketuarve shikon Spanjën si kombëtaren më të mirë të të gjitha kohërave. Loja e saj nuk ka asgjë për ti pasur zili Brazilit të viteve 70, për sa i përket estetikës, teknikisht kalon Holandën e Krujfit dhe është më efikase se Gjermania e Bekenbauer. Dhe ajo që është me të vërtetë sens